ક્રિકેટ / ચેન્નઈમાં ટીમ ઈન્ડિયાની ખરાબ હારનું કારણ બની આ એક ઓવર, જાણો કોણ હતું બોલર

• એક ઓવરમાં શુભમ અને અજિંક્યની વિકેટ પડી 
• રિષભ પંત પણ સસ્તામાં આઉટ થઈ ગયો
• 11 ઓવરમાં 17 રન આપી 3 વિકેટ ઝડપી

આ બોલરની પહેલી ઓવર ટર્નિંગ પોઈન્ટ રહી
ઈંગ્લેન્ડનાં ફાસ્ટ બોલર જેમ્સ એન્ડરસને ચેન્નાઈમાં ભારત વિરુદ્ધ શાનદાર બોલિંગ પ્રદર્શન આપીને સાબીત કર્યું કે કેમ તેની ગણતરી વિશ્વનાં સર્વશ્રેષ્ઠ બોલરોમાં થાય છે. સ્પિનર માટે મદદગાર ચેન્નાઈની પીચ પર એન્ડરસને ભારતની ત્રણ મુખ્ય વિકેટો લીધી. ટેસ્ટ મેચનાં પાંચમા દેવસે તેની પહેલી ઓવર મેચનો ટર્નિંગ પોઈન્ટ સાબીત થઈ હતી.

James Anderson's first over of the day 🤯

0
W
0
Review overturned
W
0#INDvENG ➡️ https://t.co/gnj5x4GOos pic.twitter.com/fb2L9m5OrF

— ICC (@ICC) February 9, 2021

ગીલે ફટકારી કરિયરની ત્રીજી હાફ સેન્ચ્યુરી
ભારતે દિવસની શરુઆત એક વિકેટ પર 39 રનથી કરી હતી. ભારતીય બેટ્સમેન શુભમન ગીલ સારા ફોર્મમાં જણાઈ રહ્યો હતો. તેણે જેક લીચનાં બીજા બોલ પર ચોકો માર્યો હતો પણ ચેતેશ્વર પુજારા 15 રન બનાવીને લીચનાં બોલ પર વિકેટકીપર બેન સ્ટોક્સને કેચ આપી બેઠો. ગીલે ઓફ સ્પિનર ડોમ બેસને પણ નિશાન બનાવ્યો તેની ઓવરમાં તેણે બે ચોકા અને એક છક્કો માર્યો. આ યુવા પ્રતિભાવાન બેટ્સમેને 81 બોલમાં તેનાં કરિયરની ત્રીજી અડધી સદી ફટકારી હતી.

ડીઆરએસ પણ કામ ના લાગ્યુ
જો રુટે ત્યારબાદ બોલ જેમ્સ એન્ડરસનને આપ્યો. જેણે તેનાં ઓવરની બીજા જ બોલ પર ગીલને બોલ્ડ કરી દીધો. ગીલની વિકેટનાં એક બોલ પછી તરત એન્ડરસનનો બોલ અજિંક્ય રહાણેને એલબીડબલ્યૂ માટેની અપીલ માટે નીકળ્યો જેને એમ્પાયરે નકારી દીધો પણ ઈંગ્લેન્ડે ડીઆરએસની મદદ લીધી તેમ છતાં રહાણે તે બોલ પર વિકેટ બચાવવામાં સફળ રહ્યો.

રહાણે ખાતુ ખોલ્યા વગર આઉટ થયો
તેમ છતા રહાણે તેનો ફાયદો ના ઉઠાવી શક્યો અને તેનાં આગામી બોલમાં જ તે એન્ડરસનનાં બોલ પર ક્લિન બોલ્ડ થઈ ગયો. રહાણે ખાતુ પણ ના ખોલી શક્યો. કોહલીએ રિષભ પંતની સાથે મળીને 30મી ઓવરમાં ભારતનો સ્કોર 100 રનની પાર પહોંચાડ્યો હતો. પંત વધારે સમય પીચ પર ટકી ના શક્યો અને ફક્ત 11 રન બનાવીને એન્ડરસનનીં બોલિંગમાં આઉટ થઈ ગયો. ચેન્નાઈ ટેસ્ટમાં ઈંગ્લેન્ડની જીતમાં હીરો રહેલા જેમ્સ એન્ડરસને 11 ઓવર ફેંકી અને 17 રન આપીને 3 વિકેટ ખેરવી હતી.