તમારા કામનું   / 1 લિટરમાં 80 કિલોમીટરની એવરેજ આપશે આ બાઈક, ફિચર્ચ જાણીને ખરીદવાનું થઈ જશે મન

• TVS કંપનીએ ફેસ્ટીવ સિઝનમાં   બાઈક લોન્ચ કરી   
• ત્રણ રંગના ડ્યુઅલ ટોન વિકલ્પોમાં ઉપલબ્ધ 
• બાઈક એક લિટર પેટ્રોલમાં 79.3 કિમીની માઇલેજ આપે છે

TVS Radeon ના લાલ, વાદળી અને કાળા કલરમાં ડ્યુઅલ ટોનમાં ઉપલબ્ધ   

કંપનીએ TVS Radeon ને લાલ અને કાળા રંગની સાથે વાદળી અને કાળા રંગના ડ્યુઅલ ટોન વિકલ્પોમાં લોન્ચ કર્યું છે. આ સિવાય હજુ સુધી બાઇકમાં અન્ય કોઇ ફેરફાર કરવામાં આવ્યા નથી. આ બંને નવા ડ્યુઅલ ટોન કલર્સ બાઇકની ફ્યુઅલ ટેન્ક પર જોવા મળશે. આ સિવાય તેનો હેડલેમ્પ માત્ર બોડી કલરનો હશે. બાઇકની સાઇડ પેનલ પર ડ્યુઅલ ટોન ટચ પણ હશે. બીજી તરફ, એન્જિન પર ગોલ્ડન ટચ અને એલોય વ્હીલ્સ પણ બ્લેક કલરના વિકલ્પમાં ઉપલબ્ધ હશે.

TVS Radeonમાં 110 સીસી શક્તિશાળી એન્જિન લગાવ્યું છે 

TVS Radeon એ 110cc સેગમેન્ટની બાઇક છે. તેમાં BS-6 સુસંગત 109.7cc સિંગલ સિલિન્ડર એર-કૂલ્ડ એન્જિન છે. તે 8.08 PS પાવર અને 8.7 Nm મહત્તમ ટોર્ક જનરેટ કરે છે. તેમાં 4 સ્પીડ ગિયરબોક્સ છે.

TVS Radeon એક લિટર પેટ્રોલમાં 79.3 કિમીની માઇલેજ આપે છે   

TVS મોટરનો દાવો છે કે તેની TVS Radeon ઓછી કિંમતની બાઇક છે અને વધુ માઇલેજ આપે છે. કંપનીનું કહેવું છે કે તે એક લિટર પેટ્રોલમાં 79.3 કિમીની માઇલેજ આપે છે. દિલ્હીમાં ડ્યુઅલ ટોન ડ્રમ વેરિઅન્ટની એક્સ-શોરૂમ કિંમત લગભગ 69,000 રૂપિયાથી શરૂ થાય છે અને ડિસ્ક વેરિઅન્ટની કિંમત લગભગ 72,000 રૂપિયા છે.