જાહેરાત / ડાંગમાં પ્રથમ વખત થશે આ મોટું કામ, જાણો મંત્રી પૂર્ણેશ મોદીએ કરી જાહેરાત

• ગુજરાતના યાત્રાધામોનો વિકાસ કરાશે
• યાત્રાધામમાં નવા સ્પોટ ડેવલોપ કરાશે
• ડાંગમાં દશેરા મહોત્સવ ઉજવાશે

ગુજરાતમાં રાજ્ય સરકારના મંત્રી પૂર્ણેશ મોદીએ જાહેરાત કરતા જણાવ્યું છે કે ડાંગ એ શબરી અને રામનું મિલન સ્થળ છે જ્યાં રામનું અને શબીરીનું મિલન થયું હતું ત્યારે ડાંગમાં પ્રથમ વખતે દશેરા મહોત્વ ઉજવવામાં આવે તેવી તેમણે જાહેરાત કરી છે. સાથે જ તેમણે સાંસ્કુતિક કાર્યક્રમો યોજવામાં આવશે અને સુરત સહિત ચાર સ્થળોએ સી-પ્લેન સેવા પણ શરૂ કરવામાં આવશે તેવું પણ પ્રવાસન મંત્રી પૂર્ણેશ મોદીએ જણાવ્યું છે. 

રોડ રસ્તા રીપેર કરવામાં આવ્યા 

મંત્રી પૂર્ણેશ મોદીએ વધુમાં જણાવ્યું કે ગુજરાતમાં માર્ગ અને મકાન મંત્રી તરીકે મારી પહેલી જવાબદારી હતી કે, લોકોને વરસાદના કારણે રસ્તાઓ ધોવાયા તેને તાત્કાલિક અસરથી રીપેરીંગ કરીને પ્રજાને મુશ્કેલીઓ હલ કરવા માટે તે દિશામાં કામગીરી કરવી જરૂરી હતી ત્યારે અમારા વિભાગ દ્વારા સતત વરસાદ જ્યારે પણ થોડા સમય માટે બંધ રહ્યો હતો ત્યારે આ કામગીરી ખૂબ જ ઝડપથી કરવામાં આવી હતી. 

યાત્રાધામોનો વિકાસ કરાશે

ગુજરાતના તમામ યાત્રાધામોનો વિકાસ કરાશે અને પ્રવાસન ક્ષેત્રે નવા સ્પોટ ડેવલોપ કરવામાં આવશે તેવું જણાવતા પૂર્ણેશ મોદીને ટુરિઝમ ક્ષેત્રતા વિકાસ માટે તેમજ ટુરિઝમનો સર્વાંગી વિકાસ થાય તે માટે સોમનાથમાં 50 રૂમનું નવુ સર્કિટ હાઉસ તૈયાર કરાશે તેવું પણ જણાવ્યું છે 

નવા સ્પોટ ડેવલોપ કરાશે

માર્ગ અને મનાક વિભાગ મંત્રી એ રાજ્યમાં ચોમાસા દરમિયાન થયેલા બિસ્માર રસ્તાને લઈને પણ નિવેદન આપતા જણાવ્યું કે પ્રજાની હાલાકી ખૂબ મોટા પ્રમાણમાં વધી હતી. જેને લઈને એક એપ્લિકેશન શરુ કરી છે જેમાં 5 વિભાગની કામગીરી અંગે જાણકારી મેળવી શકાશે અને ફરિયાદ પણ કરી શકાશે અને લોકો ઘર બેઠા ફરિયાદ કરી શકશે તેમજ તેનું ફોલોઅપ પણ લઈ શકશે તેવું પૂર્ણેશ મોદીએ જણાવ્યું છે.