ન્યુઝિલેન્ડ વિરુદ્ધ પાંચ ટી-20 મેચ માટે ઓસ્ટ્રેલિયન ટીમની જાહેરાત કરી દેવામાં આવી છે. ઓસ્ટ્રેલિયાની આ ટીમમાં તનવીર સંઘા નામનો 19 વર્ષિય લેગ સ્પિનર પણ સમાવાયો છે. જાણો તનવીરનું ઈન્ડિયા કનેક્શન.
સિડની થંડરની ટીમમાં શાનદાર પ્રદર્શન આપ્યું
પિતા કામની શોધમાં ઓસ્ટ્રેલિયા ગયા હતા
અંડર 19 વર્લ્ડકપમાં પણ ટીમ મેમ્બર રહ્યો હતો
બિગ બેશમાં 21 વિકેટો ખેરવી હતી
19 વર્ષિય તનવીર સંઘાએ હાલમાં યોજાયેલ બિગ બેશ લીગમાં સિડની થંડરની ટીમમાં શાનદાર પ્રદર્શન આપ્યું હતું. સંઘાએ તેનાં પહેલાજ બિગ બેશ લીગનાં ગ્રૂપ સ્ટેજની સમાપ્તિ સુધીમાં 14 મેચોમાં 21 વિકેટો ખેરવી હતી. સંઘા તે સિઝનમાં સૌથી વધારે વિકેટ લેનાર બોલરમાં ત્રીજા ક્રમાંકે રહ્યો હતો. પિતા ઓસ્ટ્રેલિયામાં ટેક્સી ચલાવે છે
તનવીર સંઘાનાં પિતા જોગા સંઘા જાલંધરથી 20 કિલોમીટર દૂર રહીમપુર ગામનાં રહેવાસી છે. જે 1997માં કામની શોધમાં ઓસ્ટ્રેલિયા જતા રહ્યાં હતા. જોગા સંઘા સિડનીમાં ટેક્સી ચલાવે છે. તેમણે એક ઈન્ટરવ્યૂમાં જણાવ્યું કે, તેમનાં પરિવારમાં કોઈને પણ ક્રિકેટનો શોખ નથી. તેઓ પોતે કબડ્ડી અને વોલિબોલ રમવાનું પસંદ કરતા હતા. જ્યારે તનવીર 10 વર્ષનો થયો ત્યારે તેને ક્રિકેટ ક્લબમાં દાખલ કર્યો ત્યારે તેનાં પિતા તેને રોજ ક્લબ છોડવા જતા હતા. યુઝવેન્દ્ર ચહલનાં વીડિયો જોઈને બોલિંગમાં સુધાર લાવે છે
સીડની થંડરે તનવીર સંઘેને 2018માંજ ડેવલપમેન્ટ પ્રોગ્રામમાં સામેલ કર્યો હતો. પણ તનવીરે 2020-21માં બિગ બેશ સીઝનમાંજ ડેબ્યૂ કરવાનો મોકો મળ્યો હતો. ડેબ્યૂ પર તનવીરે તેની પહેલી ઓવરનાં ત્રીજા બોલમાંજ વિકેટ લીધી હતી. તનવીર ઓનલાઇન વીડિયો જોઈને શેન વોર્ન અને યુઝવેન્દ્ર ચહલની બોલિંગ જોઈને તેની બોલિંગમાં સુધાર લાવવાનો પ્રયાસ કરે છે. તનવીર સંઘાએ સાઉથ આફ્રિકામાં થયેલ અંડર-19 વર્લ્ડકપમાં પણ ભાગ લીધો હતો. જેમાં તેણે ઓસ્ટ્રેલિયા માટે સૌથી વધારે 15 વિકેટો ખેરવી હતી.