હાર્દિક પંડ્યાની કપ્તાનીમાં ભારતીય ટીમ ઓસ્ટ્રેલિયા સામે આજે મુંબઈના વાનખેડે સ્ટેડિયમમાં પહેલી વનડે રમશે એવામાં ઓસ્ટ્રેલિયાના બે ખેલાડીઓથી સાવચેત રહેવાની જરૂર છે
ભારતીય ટીમ ઓસ્ટ્રેલિયા સામે ત્રણ વનડે મેચોની સીરિઝ રમશે
ઓસ્ટ્રેલિયાના બે ખેલાડીઓથી સાવચેત રહેવાની જરૂર
ટીમ ઈન્ડિયા માટે ખતરો બની શકે છે એડમ ઝમ્પા
ભારત અને ઓસ્ટ્રેલિયા વચ્ચે ત્રણ વનડે સીરિઝની પહેલી મેચ 17 માર્ચે રમાશે. બંને ટીમો વચ્ચેની આ મેચ મુંબઈના વાનખેડે સ્ટેડિયમમાં રમાશે. નોંધનીય છે કે ટેસ્ટ સીરિઝમાં 2-1થી હરાવ્યા બાદ ટીમ ઈન્ડિયા હાલ ઘણી ખુશ છે. ભારતીય ટીમ ઓસ્ટ્રેલિયા સામે ત્રણ વનડે મેચોની સીરિઝ રમશે જે વનડે વર્લ્ડ કપની તૈયારીઓની દૃષ્ટિએ ખૂબ જ મહત્વપૂર્ણ છે. ODI વર્લ્ડ કપ 2023 ભારતમાં ઓક્ટોબર અને નવેમ્બરમાં રમાવાનો છે, જેના માટે ટીમ ઈન્ડિયાએ અત્યારથી જ તૈયારીઓ શરૂ કરી દીધી છે.
#TeamIndia trained at the Wankhede Stadium ahead of the 1st ODI against Australia.
ઓસ્ટ્રેલિયાના બે ખેલાડીઓથી સાવચેત રહેવાની જરૂર
હાર્દિક પંડ્યાની કપ્તાનીમાં ભારતીય ટીમ ઓસ્ટ્રેલિયા સામે આજે મુંબઈના વાનખેડે સ્ટેડિયમમાં પહેલી વનડે રમશે અને હાલની સ્થિતિમાં ભારતીય ટીમ પ્રથમ વન-ડે જીતીને સીરિઝમાં બઢત મેળવવા ઇચ્છશે પણ ભારતીય ટીમને ઓસ્ટ્રેલિયાના બે ખેલાડીઓથી સાવચેત રહેવાની જરૂર છે, આ ખેલાડીઓ ભારતનું જીતનું સપનું તોડી શકે છે.
એડમ ઝમ્પા ભારત માટે ખતરો બની શકે
આ બે ખેલાડીમાંથી પહેલો છે ઓસ્ટ્રેલિયાનો સ્પિનર એડમ ઝમ્પા આ વનડે સિરીઝમાં ભારત માટે ખતરો બની શકે છે. નોંધનીય છે કે વર્ષ 2019 ક્રિકેટ વર્લ્ડ કપ પછીના તેના બોલિંગ આંકડા ચોંકાવનારા છે અને ટીમ ઈન્ડિયાના પૂર્વ કેપ્ટન વિરાટ કોહલીને ઝમ્પાની બોલિંગનો સામનો કરવામાં ઘણી મુશ્કેલી પડે છે. ODI સીરિઝમાં સ્પિન બોલિંગની જવાબદારી એડમ ઝમ્પા પર છે અને છેલ્લા કેટલાક સમયથી ઓસ્ટ્રેલિયાનો ઝમ્પા ODIમાં સૌથી સફળ સ્પિનર રહ્યો છે.
જણાવી દઈએ કે ઇંગ્લેન્ડમાં રમાયેલા 2019 ક્રિકેટ વર્લ્ડ કપથી તે ICCના ફૂલ મેમ્બરનો પહેલો સ્પિનર છે જેને 37 મેચમાં સૌથી વધુ 62 વિકેટ લીધી છે. 24.7ના સ્ટ્રાઈક રેટથી વિકેટો લીધી અને તેની ઈકોનોમી 5 કરતા ઓછી હતી.
વિસ્ફોટક બેટિંગમાં પારંગત છે ઓસ્ટ્રેલિયાનો આ ખેલાડી
ભારત પ્રવાસે આવેલ ઓસ્ટ્રેલિયન ટીમમાં સ્ટીવ સ્મિથે સૌથી વધુ રન બનાવ્યા છે. તે વિસ્ફોટક બેટિંગમાં પારંગત છે અને માત્ર થોડા જ બોલમાં મેચ પલટી શકે છે. જણાવી દઈએ કે તેને ટીમ ઈન્ડિયા સામે 21 મેચમાં 1123 રન બનાવ્યા છે, જેમાં 5 સદી અને પાંચ અડધી સદી પસામેલ છે. ભારત સામે તેની એવરેજ 62.38 છે.
તો ટીમ ઈન્ડિયા એ ઓસ્ટ્રેલીયાના સ્પિનર એડમ ઝમ્પા અને બેટિંગમાં પારંગત સ્ટીવ સ્મિથથી બચીને રહેવાની જરૂર છે.