અલર્ટ / 31 ડિસેમ્બરથી બંધ થઇ રહ્યા છે SBI ના આ ડેબિટ કાર્ડ, આ રીતે મેળવો નવું ATM કાર્ડ

• SBI ની ખાતા ધારકોને ચેતવણી 
• 31 ડિસેમ્બરથી બંધ થશે મેગ્નેટિક પટ્ટાવાળી ડેબિટ કાર્ડ
• નવા કાર્ડ માટે કોઇ જ પ્રકારનો ચાર્જ લેવામાં આવશે નહીં 

એસબીઆઇએ કહ્યું છે કે તે તેના હાલના મેગ્નેટિક પટ્ટાવાળી ડેબિટ કાર્ડનો ઉપયોગ બંધ કરશે. 1 જાન્યુઆરી, 2020 થી, ફક્ત EMV ચિપ અને પિનવાળા કાર્ડનો ઉપયોગ કરી શકાશે. રિઝર્વ બેંક ઓફ ઇન્ડિયાના આદેશથી આવું કરવું જરૂરી છે. આદેશ મુજબ ભારતમાં કાર્યરત તમામ બેંકોએ આ વર્ષના અંત સુધીમાં મેગ્નેટિક પટ્ટીવાળા ડેબિટનો સંપૂર્ણ ઉપયોગ બંધ કરવો પડશે.

Apply now to change your Magnetic Stripe Debit Cards to the more secure EMV Chip and PIN based SBI Debit card at your home branch by 31st December, 2019. Safeguard yourself with guaranteed authenticity, greater security for online payments and added security against fraud. pic.twitter.com/t9K3TiGTad

— State Bank of India (@TheOfficialSBI) November 30, 2019

31 ડિસેમ્બરથી મેગ્નેટિક પટ્ટીવાળા ડેબિટ કાર્ડ બંધ 

બેંકોને પહેલેથી જ છેતરપિંડી ટાળવા માટે આરબીઆઈ તરફથી આમ કરવા સૂચનાઓ મળી છે. મોટાભાગના નવા ગ્રાહકોને ઇએમવી ચિપ સાથે ડેબિટ કાર્ડ આપવામાં આવી રહ્યું છે. મેગ્નેટિક પટ્ટીવાળા ડેબિટ કાર્ડ ધરાવતા ગ્રાહકો, 31 ડિસેમ્બર પછી ગ્રાહકો પૈસા ઉપાડી શકશે નહીં. 

આ રીતે બદલો કાર્ડ 

એસબીઆઇએ તેના ગ્રાહકોને કહ્યું છે કે, જૂના કાર્ડને બદલવા માટે કોઈ ચાર્જ લેવામાં આવશે નહીં. ગ્રાહકો ઇન્ટરનેટ બેંકિંગ, યોનો એપમાં અથવા તેમની શાખાની મુલાકાત લઈને કાર્ડ બદલીને પણ આ કરી શકે છે. જો ગ્રાહક તરફથી કોઈ પણ પ્રકારનો ચાર્જ લેવામાં આવે છે, તો તે પણ તેના રિફંડ મેળવવા માટે અરજી કરી શકે છે.

સરનામું અપડેટેડ હોવું જરૂરી છે 

ઉલ્લેખનીય છે કે, ઇએમવી કાર્ડ માટે એપ્લાય કરનાર વ્યક્તિએ પહેલા પોતાનું લેટેસ્ટ સરનામું અપડેટ કરવું પડશે, કારણ કે નવું કાર્ડ ગ્રાહકના રજિસ્ટર્ડ સરનામે જ મોકલવામાં આવશે. જો સરનામું ખોટું હશે તો ગ્રાહકને કાર્ડ મળશે નહીં અને તે બેંકે પરત જતું રહેશે.