કોરોનાકાળમાં ઘણા એક્ટર્સને ઘરે બેસવાનો વારો આવ્યો છે ત્યારે મહામારીની અસર તારક મહેતા...શો પર પણ પડી છે.
મનોરંજન ઉદ્યોગ પર કોરોનાની નજર
ઘણા કલાકાર થયા બેરોજગાર
તારક મહેતા...શો પર પણ પડી અસર
ઘણી ફિલ્મો અને સિરીયલની શૂટિંગ અટકી પડી છે તો ઘણા કલાકારોએ ઘરે બેસવાનો વારો આવ્યો છે. થોડા સમય પહેલા દિલીપ કુમારના રિલેટીવ એક્ટર અયુબ ખાને પોતાની પીડા વ્યક્ત કરી હતી અને કહ્યું કે તેમને એક વર્ષ કામ નહોતુ મળ્યુ અને હવે મદદ માંગવાના દિવસો આવી ગયા છે.
નટુ કાકાને નથી આવી રહ્યો ફોન
તારક મહેતા...માં નટુ કાકાનો રોલ પ્લે કરનાર ઘનશ્યામ નાયક માટે આ કોરોના ફેઝ ખુબ ખચરનાક સાબિત થઇ રહ્યો છે. છેલ્લા એક મહિનાથી તે ઘરે છે અને શુટીંગ માટે તેમનો નંબર નથી આવી રહ્યો. તે રાહ જોઇ રહ્યા છે કે ક્યારે મેકર્સ તરફથી તેમના પર ફોન આવે.
એક્ટરે ટાઇમ્સ ઓફ ઇન્ડિયાને ઇન્ટરવ્યૂ આપતા જણાવ્યું કે મને ઘરે બેઠા એક મહિનો થઇ ગયો છે, મને પણ ક્લેરિટી નથી કે શૂટિંગ ફરી ક્યારે શરૂ થશે. હાલ તો શૂટિંગ રોકી દેવામાં આવી છે અને મેકર્સે શૂટિંગ પ્લેસ બદલવા માટે પણ કંઇ કર્યુ નથી. મે માર્ચ મહિનામાં એક એપિસોડ માટે શુટ કર્યુ હતુ ત્યારથી હું ઘરે છુ અને મને શૂટિંગ માટે ફોન આવ્યો નથી. મને આશા છે કે મેકર્સ મારા ટ્રેકને પણ જલ્દી જ શરુ કરી દેશે. આગળના એપિસોડમાં બતાવવામાં આવશે કે કેવી રીતે નટુ કાકા પોતાના ગામથી મુંબઇ પાછા આવે છે. ફેન્સ જેઠાલાલ અને નટુકાકાની તુતુ મેમે ખુબ પસંદ કરે છે.
થોડા સમય પહેલા હતા બિમાર
નટુ કાકા થોડા સમય પહેલા બિમાર હતા અને તેમના ગળાની સર્જરી થઇ હતી, જેના કારણે તે શૂટિંગથી દૂર હતા અને સ્વાસ્થ્ય સારુ થતાં ડિસેમ્બરમાં શૂટિંગ શરૂ કરી દીધુ હતુ પરંતુ સોશ્યલ મિડીયા પર તેમને ટ્રોલ કરવામાં આવી રહ્યાં હતા અને જેનો તેમણે જવાબ આપ્યો છે.
ટ્રોલ કરવામાં આવ્યા હતા
સોશ્યલ મિડીયા પર લોકો નટુ કાકા કમજોર દેખાઇ રહ્યાં હોવાથી તેમને ટ્રોલ કરી રહ્યાં હતા. લોકો કહી રહ્યાં હતા કે તે તેમની બિમારી છુપાવી રહ્યાં છે. ટ્રોલર્સને તેમણે સણસણતો જવાબ આપતા કહ્યું કે, કેટલાક લોકો સિનિયર એક્ટર્સ પ્રત્યે અસંવેદનશીલ હોય છે. હું લોકોને નિવેદન કરુ છુ કે તે નકારાત્મકતા ન ફેલાવે. જો હું આ રોલ માટે રાઇટ ચોઇસ ન હોત તો પ્રોડ્યુસર્સ મને આ રોલ માટે પસંદ જ ન કરતા, મે કોઇ જગ્યાએ વાંચ્યુ કે લોકો મારા ડ્રેસિંગ સેન્સ પર કમેન્ટ કરે છે. જેમની પાસે કામ નથી હોતુ તે જ આવી વાતો કરે છે. મને આ વાતોથી કોઇ ફર્ક નથી પડતો કારણકે હું ખુશ છું કે આ ઉંમરમાં પણ હું કામ કરુ છુ. જ્યાં સુધી મારુ શરીર કામ કરશે ત્યાં સુધી હું સેટ પર જઇશ.