શું વાત કરો છો ? / આ અમદાવાદી યુવતી કૃષિ કચરામાંથી બનાવે છે શાનદાર કપડાં, જાણો પહેરવાથી શું થાય ફાયદો

• કૃષિ કચરાથી ઉત્પાદીત કપડાં સંપૂર્ણ પણે ઈકો ફ્રેન્ડલી છે
• પોલિએસ્ટરના રેસાની મદદ બનેલા કપડાં પર્યાવરણ માટે જોખમી
• માનવસર્જિત સેલ્યુલોઝમાં રેયોન વધુ હોવાથી વૃક્ષોની કાપણીનું મુખ્ય કારણ    

Gujarat: Ahmedabad-based start-up AltMat converts agricultural waste into fabrics

"Our source is left out biomass & plant residue. It's skin-friendly & anti-bacterial. Our industry is moving towards sustainable solution& demand is going up," said Founder& CEO Shikha Shah(10.09) pic.twitter.com/64RhNrdec4

— ANI (@ANI) September 11, 2021

પોલિએસ્ટર ફેબ્રિક પર્યાવરણ માટે જોખમી  

આ અંગે ઓલ્ટમેટ નામની કંપનીની શિખા શાહે જણાવ્યું હતું કે, " મનુષ્ય કપડાં બનાવવા માટે પોલિએસ્ટર, કપાસ અને માનવ સર્જીત સેલ્યુલોઝ જેવા 11 મિલિયન ટન રેસાનો ઉપયોગથી બનાવવામાં આવે છે. મહત્વનું છે કે, પોલિએસ્ટરએ પ્લાસ્ટિક અને માઇક્રોપ્લાસ્ટિક્સનો મુખ્ય સ્ત્રોત છે. જે પર્યાવરણ અને આરોગ્ય બંને માટે જોખમી છે. તેમણે વધુમાં ઉમેર્યુ હતું કે, માનવસર્જીત સેલ્યુલોઝમાં રેયોનનું પ્રમાણ વધુ હોય છે, જેને લઈને ઝડપથી વૃક્ષોને કાપવામાં આવી રહ્યાં છે.આ સાથે માનવ સર્જીત અને રાસાયણિક પ્રક્રિયાથી બનાવામા આવતાં કપડાં પણ પર્યાવરણ માટે હાનિકારક છે.

કૃષિ કચરાથી ઉત્પાદીત કાપડ ઈકો ફ્રેન્ડલી 

શીખા શાહે દાવો કર્યો છે. તેમની કંપની દ્વારા ઉત્પાદીત કાપડ માનવી અને પર્યાવરણને અનુકૂળ છે. તેમજ કૃષિ કચરાની સમસ્યાને પણ હલ કરે છે. તે ઉપરાંત, તેમાંથી બનાવવામાં આવતાં કપડાંની કિંમત લગભગ શણ જેટલી જ  છે. આ સાથે આ ફેબ્રીક  વૈભવી અને કુદરતી સ્પર્શ ધરાવે છે. જે ત્વચાને અનુકૂળ હોવાની સાથે સાથે  એન્ટી બેક્ટેરીયલ ગુણધર્મો હોવાથી જે પરસેવા સામે પણ લડી શકે છે