તેના લગ્નની એક પણ તસવીર તેની પાસે નથી. 10 વર્ષ પહેલા તેને બેનેડિક્ટ સાથે લગ્ન કર્યા હતા અને એ સમયે બંને ફોટો પડાવવાનું ભૂલી ગયા હતા.
રાધિકા આપટે એ હાલમાં જ તેના લગ્નને લઈને મોટો ખુલાસો કર્યો
તેના લગ્નની એક પણ તસવીર તેની પાસે નથી.
રાધિકા તેના પતિ સાથે નથી રહેતી
લગ્ન એક એવું સેલિબ્રેશન છે જ્યાં લોકો તસવીરો ખેંચાવવા માટે વધુ તૈયાર થાય છે. લગભગ બધા લોકો પાસે એમના લગ્નની તૈયાર થઈને ખેંચાવેલી અઢળક તસવીરો હશે પણ એક એવી અભિનેત્રી વિશે આજે અમે તમને જણાવવા જઈ રહ્યા છીએ જેની પાસે તેના લગ્નની કોઈ સારી તસવીર નથી. એ દિવસે લગ્નમાં એ તેની તસવીર લેવાનું ભૂલી ગઈ હતી અને તેના મિત્રોએ પણ તેની તસવીર નહતી લીધી.
બૉલીવુડની અભિનેત્રી રાધિકા આપટે એ હાલમાં જ તેના લગ્નને લઈને મોટો ખુલાસો કર્યો હતો જેમાં એમને કહ્યું હતું કે તેના લગ્નની એક પણ તસવીર તેની પાસે નથી. એમને જણાવ્યું હતું કે 10 વર્ષ પહેલા તેને બેનેડિક્ટ સાથે લગ્ન કર્યા હતા અને એ સમયે બંને ફોટો પડાવવાનું ભૂલી ગયા હતા. આગળ એમને જણાવ્યું હતું કે એમના લગ્નમાં એમને પોતે ખાવાનું બનાવ્યું હતું, એમના મિત્રોને બોલાવ્યા હતા, નોર્થ ઈંગ્લેન્ડમાં એક જગ્યા પર લગ્ન કરીને પાર્ટી કરી હતી પણ એ યાદની એક પણ તસવીર એમની પાસે નથી. જો કે એમના મિત્રોમાંથી ઘણા ફોટોગ્રાફર છે પણ તેમાંથી કોઈએ એક પણ ફોટો ખેંચ્યો નહીં.
રાધિકાએ તેનું કારણ જણાવતા આગળ કહ્યું હતું કે એ સમયે અમે બધા ખૂબ નશામાં હતા અને એટલા માટે જ મારી પાસે મારા લગ્નની એક પણ તસ્વીર નથી. જો કે આ એક રીતે સારું પણ છે અમે યાદોને એકઠી નથી કરતાં અમે તેને એ જ સમયે જીવીએ છીએ. મારા પતિને ફોટો પડાવવાનો બિલકુલ શોખ નથી. અમે જ્યારે જ્યારે છુટ્ટી પર જઈએ ત્યારે કોશિશ કરીએ કે એક બે તસવીર ખેંચીને યાદને કેદ કરીએ.
તમને જણાવી દઈએ કે રાધિકા તેના પતિ સાથે નથી રહેતી. રાધિકા તેના કામ માટે થઈને મુંબઈ રહે છે અને તેના પતિ તેના કામ માટે થઈને લંડનમાં રહે છે. તેને લોંગ ડિસ્ટન્સ રિલેશનશિપને લઈને રાધિકા એ જણાવ્યું હતું કે તેની પર્સનલ લાઈફ ઘણી હેક્ટિક રહે છે કારણકે તેને વારંવાર ભારત અને લંડન એમ ટ્રાવેલ કરતું રહેવું પડે છે.