ટેલિવૂડ / આ એસ્ટ્રેસ પ્રેગનેન્સી વખતે કરવા માંગતી હતી આત્મહત્યા, ઇન્ટરવ્યૂમાં કર્યો ચોંકાવનારો ખુલાસો 

• સૌમ્યા સેઠે કર્યો ચોંકાવનારો ખુલાસો 
• પોતાને ઓળખી શકતી નહોતી
• દિકરાએ બચાવ્યો જીવ 

સૌમ્યાએ કહ્યું કે જ્યારે તે પ્રેગનેન્ટ હતી ત્યારે તેને આત્મહત્યાના વિચારો આવતા હતા. હાલમાં જ તેણે એક ઇન્ટરવ્યૂમાં ખુલાસો કર્યો કે તેના દિકરા આયડને તેનો જીવ બચાવ્યો કે જે હાલ સાડા 3 વર્ષનો છે. 

આત્મહત્યાના રસ્તા શોધતી હતી
સૌમ્યા શેઠ હાલમાં અમેરિકામાં છે. જૂન 2019માં તેના છૂટાછેડા થઇ ગયા છે. હિન્દુસ્તાન ટાઇમ્સના એક રિપોર્ટ અનુસાર પોતાના ખરાબ સમયની વાત કરતા સૌમ્યાએ કહ્યું કે 2017માં હુ ગર્ભવતી હતી અને મારા માતા પિતા વર્જીનીયા આવે ત્યાં સુધી હું આત્મહત્યાના રસ્તાઓ જ શોધતી હતી. મારી મદદ કરી અને માતા પિતાએ મને એ સ્થિતિમાંથી બહાર લાવ્યા હતા. 

પોતાને ઓળખી નહોતી શકતી સૌમ્યા 
એક્ટ્રેસે આગળ કહ્યું કે મને તે સમય યાદ છે જ્યારે હું દર્પણ સામે ઉભી રહેતી હતી અને પોતાને ઓળખી પણ શકતી નહોતી, હું સંપૂર્ણ રીતે દંગ રહી ગઇ હતી. ગર્ભવતી હોવા છતાં ઘણા દિવસો સુધી ખાધુ નહોતુ પરંતુ મારા બાળકને નુકસાન પહોંચાડવા વિશે મે ક્યારેય ન વિચાર્યુ. આ જ કારણ છે કે મારા દિકરા આઇડને મારો જીવ બચાવ્યો. 

આ કામ કરે છે 
કામ વિશે વાત કરતા સૌમ્યા જણાવે છે કે, હું આજે પણ એક્ટિંગને પ્રેમ કરુ છુ. કેમેરા સામે પાછુ આવવાનો કોઇ પ્લાન નથી. હાલમાં હું વર્જીનીયામાં એક લાઇસન્સ્ડ પ્રોપર્ટી ડીલર છું, 

ચાર વર્ષ પહેલા થયા છૂટાછેડા
સૌમ્યાએ 2015માં અરુણ કુમાર સાથે સંયુક્ત રાજ્ય અમેરિકાના એક રિસોર્ટમાં લગ્ન કર્યા હતા. ચાર જ વર્ષ બાદ આ લગ્ન ટુટી ગયા અને બંનેએ ઓફીશીયલી છૂટાછેડા લઇ લીધા હતા. તે પોતાના પતિ સાથે દિકરાની જોઇન્ટ કસ્ટડી મેળવી ચૂકી છે