શરમજનક / સાવધાન ઇન્ડિયાનો આ એક્ટર વૃદ્ધો સાથે કરતો હતો એવું કામ કે પોલીસે કરી ધરપકડ

• સાવધાન ઇન્ડિયાનો આ એક્ટર પોલિસના સકંજામાં
• વૃદ્ધોને ટાર્ગેટ કરીને ચલાવતો હતો લૂંટ 
• દહેરાદૂન પોલિસે આપી હતી બાતમી 

કોણ છે આ શખ્સ 
આ શખ્સનું નામ સલમાન છે. આ એક્ટરે છત્રપતિ શિવાજી, સાવધાન ઇન્ડિયા જેવી સિરીયલમાં કામ કર્યુ છે. સિરીયલ સિવાય ગુલમકઇ અને બહેનચોર જેવી ફિલ્મોમાં ચરિત્રપાત્ર પણ ભજવ્યા છે.

ક્રાઇમબ્રાંચ દ્વારા મળેલી જાણકારી અનુસાર આ શખ્સ પોલિસ બનીને વૃદ્ધોને ટાર્ગેટ કરતો હતો અને તેમને લૂંટતો હતો. તે વિમાન દ્વારા ચંડીગઢ, દહેરાદૂન અને ઉત્તરભારતના કેટલાક શહેરોમાં પણ જતો હતો. ઘટનાને અંજામ આપ્યા બાદ તે મુંબઇ પરત આવી જતો હતો. 

40 વર્ષના એક્ટર સલમાન જાફરીએ 3 ડિસેમ્બરે દહેરાદૂનના પટેલ નગરમાં એક મહિલાને લૂંટી લીધી હતી. સલમાને મહિલાને ડરાવીને 5 લાખ રૂપિયા લૂંટી લીધા હતા. બાદમાં તે મુંબઇ આવી ગયો હતો પણ પોલિસને તે વાતની જાણકારી મળી ગઇ હતી. 

દહેરાદૂન પોલિસે આ વાતની જાણકારી મુંબઇ ક્રાઇમ બ્રાંચને આપી હતી અને તેમણે તપાસના ચક્રો ગતિમાન કર્યા હતા. તપાસના આધારે તે આરોપી સુધી પહોંચી ગયા હતા અને તેને ઝડપી પાડવામાં આવ્યો હતો.