સ્પોર્ટ્સ / Video: 18 વર્ષની આ મહિલા ખેલાડીએ રચ્યો ઇતિહાસ, વિશ્વ લેવલે વગાડ્યો ડંકો, કર્યો ચોગ્ગા-છગ્ગાનો વરસાદ

ભારતમાં રમાઈ રહેલ ડોમેસ્ટિક ક્રિકેટ ટુર્નામેન્ટ, સિનિયર વિમેન્સ ODI ટ્રોફીમાં એક 18 વર્ષની છોકરીએ ઈતિહાસ રચ્યો છે. આ ખેલાડી લિસ્ટ A ક્રિકેટમાં બેવડી સદી ફટકારનાર બેટર બની ગઇ છે. ઉત્તરાખંડ અને નાગાલેન્ડની ટીમો વચ્ચે રમાયેલી મેચમાં આ રેકોર્ડ બન્યો હતો. આ પહેલા આ રેકોર્ડ શ્વેતા સેહરાવતના નામે હતો. આ વર્ષની શરૂઆતમાં શ્વેતા સેહરાવતે પણ બેવડી સદી ફટકારી હતી.

• 18 વર્ષની બેટરે ફટકારી બેવડી સદી

ઉત્તરાખંડની ક્રિકેટર નીલમ ભારદ્વાજે ભારતીય ક્રિકેટમાં ઈતિહાસ રચ્યો છે. તે લિસ્ટ A ક્રિકેટમાં બેવડી સદી ફટકારનારી સૌથી યુવા ભારતીય મહિલા ક્રિકેટર બની ગઈ છે. તેને નાગાલેન્ડ સામે રમાયેલી મેચમાં માત્ર 137 બોલમાં અણનમ 202 રન માર્યા હતા. આ દરમિયાન નીલમ ભારદ્વાજે 27 ચોગ્ગા અને 2 છગ્ગા ફટકાર્યા હતા. નીલમ વન ડાઉનમાં રમવા ઉતરી હતી. જેમાં તેને  147.45ની સ્ટ્રાઈક રેટથી રન માર્યા હતા.

નીલમ ભારદ્વાજ ભારતની બીજી એવી ખેલાડી છે જેને લિસ્ટ A ક્રિકેટમાં બેવડી સદી ફટકારી હોય. નીલમ ભારદ્વાજ પહેલા શ્વેતા સેહરાવતે દિલ્હી તરફથી રમતા જાન્યુઆરી 2024માં નાગાલેન્ડ સામે બેવડી સદી ફટકારી હતી. શ્વેતાએ 150 બોલમાં 242 રનની ઇનિંગ રમી હતી. તેને આ ઇનિંગમાં 31 ફોર અને 7 સિક્સર મારી હતી. શ્વેતા સેહરાવતે 19 વર્ષની ઉંમરમાં આ બેવડી સદી ફટકારી હતી. પરંતુ થોડા જ મહિના બાદ નીલમ ભારદ્વાજે આ રેકોર્ડ તોડી નાખ્યો છે.

વધુ વાંચો : IND W vs AUS W 3rd ODI: અરુંધતી રેડ્ડી તરફથી ઓસ્ટ્રેલિયાને મોટો ઝટકો, એક બાદ એક 4 ખેલાડીઓના સ્ટંમ્પ ઉડાવી દીધા

• ઉત્તરાખંડની શાનદાર જીત

આ મેચમાં ઉત્તરાખંડે ફર્સ્ટ ઇનિંગમાં મોટો સ્કોર બનાવ્યો હતો. ઉત્તરાખંડની ટીમે 50 ઓવરમાં 2 વિકેટ ગુમાવીને 371 રન કર્યા હતા. નીલમ ઉપરાંત નંદિની કશ્યપે પણ શાનદાર ઇનિંગ રમી હતી. નંદિનીએ 79 બોલમાં 81 રન બનાવ્યા હતા. સાથે કંચન પરિહારે પણ 52 બોલમાં અણનમ 53 રન બનાવ્યા હતા. આ ટાર્ગેટને હાંસિલ કરવા ઉતરેલી નાગાલેન્ડની ટીમ 47 ઓવરમાં ઓલ આઉટ થઈ ગઈ હતી. નાગાલેન્ડની ટીમ માત્ર 112 રન જ બનાવી શકી હતી. જેથી ઉત્તરાખંડે 259 રનના અંતરથી મેચ જીતી લીધી હતી.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ