રેકોર્ડ બ્રેક / ભારતીય ક્રિકેટનો ઊગતો સૂરજ, 17 વર્ષના આ ભારતીય ખેલાડીએ ફટકારી બેવડી સદી, બનાવી દીધો રેકોર્ડ

• 17 વર્ષનાં ખેલાડીએ ફટકારી બેવડી સદી 
• રણજી ટ્રોફીનાં પ્રી ક્વાર્ટર ફાઈનલમાં રચ્યો ઈતિહાસ 
• પાકિસ્તાનનાં જાવેદ મિયાંદાદનો રેકોર્ડ તોડ્યો 

17 વર્ષનાં ખેલાડીએ ફટકારી બેવડી સદી 

ટીમ ઇન્ડિયાનાં ભવિષ્યની જ્યારે વાત આવે છે, તો બધાની નજર રણજી ટ્રોફી પર જ જાય છે. આ એ જગ્યા છે, જ્યાંથી ભારતને ફ્યુચર પ્લેયર્સ મળે છે. આ બધાની વચ્ચે, રણજી ટ્રોફીમાં એક વધુ રેકોર્ડ બ્રેક થતા જોવા મળ્યો છે. છોટા પેકેટ બડા ધમાકા- આ તો તમે સાંભળ્યું જ હશે પરંતુ આજે જોવા પણ મળશે. રણજી ટ્રોફીમાં ઝારખંડની ધરતીથી એક-એક કરીને ઘણા યુવા ક્રિકેટ ખેલાડી ભારતીય ક્રિકેટમાં આવી રહ્યા છે અને આંતરરાષ્ટ્રીય સ્તર પર પોતાની ઓળખાણ બનાવી રહ્યા છે. આ લિસ્ટમાં હવે 17 વર્ષના ખેલાડીનું નામ પણ જોડાઈ ગયું છે તથા તેનો રેકોર્ડ જાણીને તો તમે બધા હેરાન રહી જશો. 

The batting blitz continues! 👍 👍

2⃣5⃣0⃣ up for Kumar Kushagra. 👏 👏

Jharkhand move closer to the 650-run mark against Nagaland.

Follow the match ▶️ https://t.co/Ng12bRPPu5#RanjiTrophy | #PQF | #JHAvNAG | @Paytm pic.twitter.com/iK52BVLlzr

— BCCI Domestic (@BCCIdomestic) March 13, 2022

17 વર્ષના યુવા બેટ્સમેને કરી કમાલ 
ઝારખંડનાં 17 વર્ષીય યુવા બેટ્સમેન કુમાર કુશાગ્રએ ભારતીય ક્રિકેટમાં સનસની મચાવી છે. કુમાર કુશાગ્રે રણજી ટ્રોફીનાં પ્રી ક્વાર્ટર ફાઈનલમાં નાગાલેંડ વિરુદ્ધ ધમાકેદાર બેવડી સદી ફટકારીને પોતાના નામે મોટી ઉપલબ્ધિ દાખલ કરાવી છે. કુમાર કુશાગ્રએ પ્રિલીમીનરી ક્વાર્ટર ફાઈનલમાં 266 રન બનાવીને ઈતિહાસ રચ્યો છે. તે પ્રથમ શ્રેણી ક્રિકેટમાં સૌથી નાની ઉંમરમાં 250 રનથી વધારે રન બનાવનાર બેટ્સમેન બની ગયા છે. કુશાગ્રએ 269 બોલ્સમાં 266 રન બનાવ્યા છે, જેમાં 37 ચોક્કા અને 2 છક્કા સામેલ છે. 

જાવેદ મિયાંદાદનો પણ રેકોર્ડ તોડ્યો 
પોતાની ત્રીજી ફર્સ્ટ ક્લાસ મેચ રમી રહેલા આ વિકેટકીપર બેટ્સમેને પાકિસ્તાનનાં પૂર્વ કપ્તાન જાવેદ મિયાંદાદ અને ભારતનાં ઇશાન કિશનનાં રેકોર્ડ પણ તોડ્યા છે. તેમણે જાવેદ મિયાંદાદનાં 47 વર્ષ જૂના વર્લ્ડ રેકોર્ડને પોતાને નામ કર્યો છે. મિયાંદાદે વર્ષ 1975માં 17 વર્ષ 311 દિવસની ઉંમરમાં કરાચી કિંગ્સ તરફથી રમતા નેશનલ બેંક વિરુદ્ધ 200થી વધારે રન બનાવ્યા હતા. પરંતુ કુમાર કુશાગ્રએ આ ઉપલબ્ધિ 17 વર્ષ 141 દિવસની ઉંમરમાં જ પ્રાપ્ત કરી છે. વિકેટકીપર બેટ્સમેન ઇશાન કિશને 18 વર્ષ 111 દિવસની ઉંમરમાં આ રેકોર્ડ બાનાવ્યો હતો. 

ઝારખંડ માટે પણ બનાવ્યો રેકોર્ડ 
ઝારખંડ માટે કુમાર કુશાગ્રએ બીજી સૌથી મોટી પારી રમી છે. રણજી ટ્રોફીમાં ઝારખંડ માટે સૌથી મોટી પારી રમવાનો રેકોર્ડ ઇશાન કિશનનાં નામે દાખલ છે. ઈશાને 2016માં દિલ્લી સામે 273 રન બનાવ્યા હતા, ત્યાર બાદ કુશાગ્રનો નંબર આવે છે. કુશાગ્ર વર્ષ 2019માં વીનૂ માંકડ ટ્રોફીમાં સૌથી પહેલા ચર્ચામાં આવ્યા હતા. તેમણે તે સમયે 7 મેચમાં સૌથી વધારે રન 535 બનાવ્યા હતા. કુમાર કુશાગ્ર પણ ઇશાન કિશનની જેમ વિકેટકીપર અને બેટ્સમેન છે.