હાલમાં સાઉથ આફ્રિકામાંથી ફેલાઈ રહેલા કોરોનાના નવા ઓમિક્રોન વેરિયન્ટથી દુનિયામાં ત્રીજી લહેરનો ખતરો વધ્યો છે.
દુનિયામાં ત્રીજી લહેરનો ખતરો વધ્યો
કોરોનાના નવા ઓમિક્રોન વેરિયન્ટ ફેલાયો
ડેલ્ટા કરતા 7 ગણો ઝડપથી ફેલાઈ રહ્યો છે
કોરોનાના અત્યંત ચેપી ઓમિક્રોન વેરિયન્ટને કારણે દુનિયા પર ત્રીજી લહેરનો ખતરો સવાર થયો છે. કારણ કે ઓમિક્રોન વેરિયન્ટ ડેલ્ટ કરતા 7 ઘણો ચેપી છે. તે સમગ્ર વિશ્વભરમાં ઝડપથી ફેલાઈ રહ્યો છે. વિશ્વ આરોગ્ય સંગઠનના જણાવ્યા પ્રમાણે ઓમિક્રોન ડેલ્ટા કરતા 7 ગણો ઝડપથી ફેલાઈ રહ્યો છે. કોરોનાનો નવો વેરિયન્ટ ઓમીક્રોન (B.1.1.529)ની શરૂઆતના રિપોર્ટ ખૂબ જ ચોંકાવનારો છે. WHOએ એને વેરિયન્ટ ઓફ કન્સર્ન જણાવ્યો છે. દક્ષિણ આફ્રિકાનાં 3 ક્ષેત્રમાં દરરોજ મળી આવતા 90% કેસ આ જ વેરિયન્ટના છે, જે 15 દિવસ પહેલાં માત્ર એક જ હતો. વૈજ્ઞાનિકોને આ જ વાત સૌથી વધુ ભયભીત કરી રહી છે, કારણ કે અત્યારસુધીમાં સૌથી ઝડપી સંક્રમણ ફેલાવનારો વેરિયન્ટ ડેલ્ટા હતો, જેને કારણે દુનિયામાં ત્રીજી લહેર આવી હતી.
વિશ્વ આરોગ્ય સંગઠન સહિત દુનિયાની મોટી સંસ્થાઓ ઓમિક્રોન વેરિયન્ટને ખતરનાક ગણાવી રહી છે
વિશ્વ આરોગ્ય સંગઠન સહિત દુનિયાની મોટી સંસ્થાઓ ઓમિક્રોન વેરિયન્ટને ખતરનાક ગણાવી રહી છે. તે ખૂબ ચિંતાજનક છે. દુનિયા હજુ તો કોરોનાના કોપમાંથી માંડ બહાર આવી છે ત્યારે આ વળી નવી બલા આવી છે. તેનાથી દહેશત વધી છે.
ઘણા દેશોએ ફ્લાઈટ પર મૂક્યો પ્રતિબંધ
ઓસ્ટ્રિયા, કેનેડા, જર્મની, બ્રિટન, અમેરિકા, ઇટાલી, ઇઝરાયલ અને નેધરલેન્ડ સહિતના અનેક દેશો દ્વારા દક્ષિણ આફ્રિકાની ફ્લાઇટ્સ પર પ્રતિબંધ મૂક્યો છે. કોરોના વાયરસનું નવું સ્વરૂપ સામે આવ્યા બાદ કેનેડાએ આફ્રિકાના દક્ષિણ ભાગમાં મુસાફરી કરવા પરત ફરેલા મુસાફરોના પ્રવેશ પર પણ પ્રતિબંધ મૂક્યો છે.
WHOએ ઓમિક્રોનને 'ચિંતાજનક વેરિયન્ટ' ગણાવ્યો
બીજી તરફ વર્લ્ડ હેલ્થ ઓર્ગેનાઇઝેશનની એક સલાહકાર સમિતિએ કોરોના વાયરસના નવા પ્રકારને 'અત્યંત ઝડપથી ફેલાતા ચિંતાજનક પ્રકાર' તરીકે વર્ણવ્યો છે અને ગ્રીક મૂળાક્ષર હેઠળ તેનું નામ 'ઓમાઇક્રોન' રાખ્યું છે. શુક્રવારે સંયુક્ત રાષ્ટ્રની આરોગ્ય એજન્સી દ્વારા કરવામાં આવેલી જાહેરાત નવા પ્રકારના વાયરસના વર્ગીકરણમાં છેલ્લા કેટલાક મહિનામાં પ્રથમ છે. કોરોના વાયરસના ડેલ્ટા વેરિએન્ટને પણ આ જ કેટેગરીમાં મૂકવામાં આવ્યું હતું, જે વિશ્વભરમાં ફેલાયું હતું.