લોકસભાની ત્રીજા તબક્કાની ચૂંટણી 23મી એપ્રિલે યોજાશે. ત્રીજા તબક્કામાં કુલ 14 રાજ્યોની 115 બેઠકો પર મતદાન યોજાશે. જેના માટે કુલ 1594 ઉમેદવારો મેદાને છે. જેમાં 142 મહિલા ઉમેદવાર છે. 1954 ઉમેદવારો પૈકી 340 ઉમેદવારો ગુનાહિત ઇતિહાસ ધરાવે છે.
દિલ્હી: લોકસભાની ત્રીજા તબક્કાની ચૂંટણી 23મી એપ્રિલે યોજાશે. ત્રીજા તબક્કામાં કુલ 14 રાજ્યોની 115 બેઠકો પર મતદાન યોજાશે. જેના માટે કુલ 1594 ઉમેદવારો મેદાને છે. જેમાં 142 મહિલા ઉમેદવાર છે. 1954 ઉમેદવારો પૈકી 340 ઉમેદવારો ગુનાહિત ઇતિહાસ ધરાવે છે.
જેમાં 230 ઉમેદવારો સામે ગંભીર ગુનાઓ નોંધાયેલા છે. 14 ઉમેદવારો એવા છે જે દોષિત સાબિત થઇ ચૂક્યા છે. ઉપરાંત 392 ઉમેદવારો કરોડપતિ છે. સૌથી વધુ ભાજપના 84 ઉમેદવાર કરોડપતિ છે. સમાજવાદી પાર્ટીના દેવેન્દ્રસિંહ યાદવ સૌથી વધુ 204 કરોડની મિલકત ધરાવે છે. તો 11 ઉમેદવારોએ તેમની મિલકત શૂન્ય દર્શાવી.
બીજા તબક્કાની ચૂંટણીનું મતદાન પૂર્ણ
લોકસભા ચૂંટણીના બીજા તબક્કાનું મતદાન પૂર્ણ થઈ ચુક્યું છે ત્યારે બીજા તબક્કામાં સરેરાશ 66 ટકા મતદાન નોંધાયું હતું. જેમાં અસમમાં 76.22 ટકા, બિહારમાં 62.38 ટકા, જમ્મૂ કશ્મીરમાં 45.5 ટકા, કર્ણાટકમાં 67.67 ટકા, મહારાષ્ટ્રમાં 61.22 ટકા.
તો મણીપુરમાં 67.15 ટકા અને ઓડિસામાં 57.97 ટકા મતદાન નોંધાયું હતું. દક્ષિણ ભારતના તમિલનાડુમાં 66.36 ટકા મતદાન યોજાયું હતું. જ્યારે ઉત્તરપ્રદેશમાં 66 ટકા, પ.બંગાળમાં 76.42 ટકા, છત્તીસગઢમાં 71.40 ટકા અને પોંડિચરીમાં 76.19 ટકા મતદાન યોજાયું હતું.