બદલાવ / વધી શકે છે ગાડીઓનું થર્ડ પાર્ટી વીમા પ્રીમિયમ, 1 એપ્રિલથી લાગૂ થશે નવા ભાવ

જૂન 2019માં પણ કિંમત વધી હતી

ગયા વર્ષે જૂનમાં પણ ફોર વ્હીલર અને ટુ-વ્હીલરના થર્ડ પાર્ટી ઇન્શ્યોરન્સ પ્રીમિયમમાં વધારો કરવામાં આવ્યો હતો. IRDAએ તેમાં 21%નો વધારો કર્યો છે.


મોટર થર્ડ પાર્ટી ઇન્શ્યોરન્સ શું છે?

થર્ડ પાર્ટી એટલે ત્રીજો પક્ષ. પ્રથમ પક્ષ વાહન માલિક, બીજો ડ્રાઈવર અને અકસ્માતની ઘટનામાં પીડિત વ્યક્તિ ત્રીજો પક્ષ બને છે. પબ્લિક પ્લેસ પર વાહનનો ઉપયોગ કરવામાં આવે એ સમય દરમિયાન જો કોઈ દુર્ઘટના ઘટે અને કોઈ થર્ડ પાર્ટીને જાન-માલનું નુકસાન થાય તો વાહનનો માલિક અને તેનો ડ્રાઇવર આ નુકસાનની ભરપાઇ કરવા કાયદેસર રીતે બંધાયેલા છે. આવી સ્થિતિમાં, આર્થિક વળતરની ભરપાઇ માટે વીમા કંપનીઓ દ્વારા થર્ડ પાર્ટી વીમો ઉતારવામાં આવે છે. વીમો હોવાથી વળતરની રકમની ચૂકવણી સંબંધિત વીમા કંપની ચૂકવે છે.

કયા વાહનનું કેટલું પ્રીમિયમ વધશે?

• 1000ccથી 1500ccની ગાડીઓ માટે પ્રીમિયમ 3,221 રૂપિયાથી વધારીને 3,383 રૂપિયા કરવાનો પ્રસ્તાવ કરવામાં આવ્યો છે.
• 1500ccથી વધુ કારનું થર્ડ પાર્ટી પ્રીમિયમ વધારવામાં નહીં આવે. તેને 7,890 રૂપિયા રાખવાનો જ પ્રસ્તાવ છે.
• 350ccથી વધુ બાઇકના પ્રીમિયમને 2,323 રૂપિયાથી વધારીને 2,571 રૂપિયા કરવાનો પ્રસ્તાવ છે.
• 150ccથી વધારેના ટુ-વ્હીલરનું પ્રીમિયમ 1,193 રૂપિયાથી વધારીને 1,301 રૂપિયા કરવાનો પ્રસ્તાવ છે.
• 75ccથી ઓછા ટુ-વ્હીલર પર 482 રૂપિયાથી વધારીને 506 રૂપિયા કરવાનો પ્રસ્તાવ છે.
• 75ccથી વધારે ટુ-વ્હીલર પર 752થી વધારીને 769 રૂપિયા કરવાનો પ્રસ્તાવ છે.
• ઇલેક્ટ્રિક વાહનોના પ્રીમિયમમાં છૂટ મળી શકે છે IRDAએ ઇલેક્ટ્રિક વાહનોના પ્રીમિયમ માટે 15 ટકાની છૂટનો પ્રસ્તાવ મૂકવામાં આવ્યો છે.

IRDAનું કહેવું છે કે, આ પર્યાવરણને અનુકુળ વાહનોના ઉપયોગને પ્રોત્સાહિત કરશે. આ ઉપરાંત, હાઇબ્રિડ ઇલેક્ટ્રિક વાહનો માટે મોટર પ્રીમિયમ પર 7.5 ટકા છૂટનો પણ પ્રસ્તાવ મૂકવામાં આવ્યો છે.