IND vs NZ / વ્હાઇટવૉશથી બચવા માટે કાલે રમશે ત્રીજી વનડે ટીમ ઇન્ડિયા, ન્યૂઝીલેન્ડ 0-2થી આગળ

• ટીમ ઇન્ડિયા 3 વનડે સીરિઝમાં 0-2 થી હારી, બીજી મેચમાં ન્યૂઝીલેન્ડે 22 રનથી હરાવી
• ટીમ ઇન્ડિયાએ માઉન્ટ મોનગૂઇમાં રમાયેલી અત્યાર સુધી 2 મેચમાં ન્યૂઝીલેન્ડને હરાવ્યુ છે
• વનડે ટેલિકાસ્ટ સવારે 7:30 વાગ્યાથી સ્ટાર સ્પોર્ટ્સ નેટવર્ક અને હોટસ્ટાર પર થશે

આ ગ્રાઉન્ડ પર ટીમ ઇન્ડિયા અત્યાર સુધી 2 વનડે રમ્યું છે અને બંનેમાં જીત મેળવી છે. છેલ્લે 28 જાન્યુઆરી 2019ના રોજ ટીમ ઇન્ડિયાએ કિવિઝને 7 વિકેટે હરાવ્યું હતું.

સીરિઝની પહેલી વનડેમાં હેમિલ્ટન ખાતે કિવિઝ 4 વિકેટે મેચ જીત્યું હતું. તે પછી ઓકલેન્ડમાં ટીમ ઇન્ડિયાને 22 રને હારનો સામનો કરવો પડ્યો હતો. રોસ ટેલર 182 રન સાથે હાઈએસ્ટ સ્કોરર છે. શ્રેયસ ઐયર 155 રન સાથે બીજા સ્થાને છે. વિકેટના મામલે ટિમ સાઉથી સૌથી આગળ છે. શાર્દુલ ઠાકુર અને યૂઝવેન્દ્ર ચહલ 3-3 વિકેટ સાથે બીજા સ્થાને છે.

આ સિવાય જ્યારે ફાસ્ટ બોલર બુમરાહની વાત કરવામાં આવે તો તેણે આ વર્ષે જ ઇજા પછી ટીમમાં વાપસી કરી છે. તે પછી તેણે 5 વનડેમાં 277ની સ્ટ્રાઇક રેટથી માત્ર 1 વિકેટ લીધી છે. છેલ્લી ત્રણ વનડેથી તેણે એકપણ વિકેટ લીધી નથી. આવું તેના કરિયરમાં પહેલીવાર થયું છે.

Snapshots from #TeamIndia's training session ahead of the 3rd and final ODI against New Zealand.#NZvIND pic.twitter.com/rvoxE2DSOY

— BCCI (@BCCI) February 10, 2020

ખભાની ઇજાના લીધે સીરિઝની પ્રથમ બે મેચમાં ન રમનાર કિવિઝ કેપ્ટન કેન વિલિયમ્સને ફિટનેસ ટેસ્ટ પાસ કરી લીધો છે. તે ત્રીજી મેચમાં રમી શકે છે. તેમજ ટીમમાં ઈશ સોઢી અને બ્લેર ટિકનેરને તક મળી શકે છે. સોઢીએ પ્રથમ મેચમાં વિરાટ કોહલીની વિકેટ લીધી હતી.

હેડ ટૂ હેડ
ટીમ ઇન્ડિયા અને ન્યૂઝીલેન્ડ વચ્ચે અત્યાર સુધીમાં કુલ 109 વનડે રમાઈ છે. ભારતે 55 મેચ જીતી છે અને 48માં હારનો સામનો કર્યો છે. એક મેચ ટાઈ રહી છે અને 5માં પરિણામ આવ્યું નથી. ન્યૂઝીલેન્ડમાં ટીમ ઇન્ડિયા 41માંથી 14 મેચ જ જીત્યું છે. 24માં હાર મળી, એકમાં ટાઈ પડી અને 2માં રિઝલ્ટ નહોતું આવ્યું. ટીમ ઇન્ડિયાને કિવિઝ સામેની 14માંથી 8 સીરિઝ પોતાના નામે કરી છે, 4માં હારનો સામનો કર્યો છે અને 2 ડ્રો રહી હતી.

પિચ અને વેધર રિપોર્ટ: 

મંગળવારે માઉન્ટ મોનગુઈમાં તાપમાન 15થી 24 ડિગ્રી સેલ્સિયસની વચ્ચે રહેશે. મેચ દરમિયાન વરસાદની કોઈ સંભાવના નથી. પિચથી બેટ્સમેનને મદદ મળશે. ભારતે ગ્રઉન્ડ પર રમેલી બંને મેચમાં જીત મેળવી છે. અહિયાં રમાયેલી 10 મેચોમાં ટોસનું મહત્ત્વ 50-50 ટકા રહ્યું છે.

Tough day at the office but great character shown by #TeamIndia. #NZvIND pic.twitter.com/jgyz9YyhYt

— BCCI (@BCCI) February 8, 2020

ગ્રાઉન્ડ પર કુલ વનડે: 10

પ્રથમ બેટિંગ કરનાર ટીમ જીતી: 5
પ્રથમ બોલિંગ કરનાર ટીમ જીતી: 5
પ્રથમ બેટિંગ કરતા એવરેજ સ્કોર: 265
બીજી બેટિંગમાં એવરેજ સ્કોર: 241

ટીમ ઇન્ડિયા: વિરાટ કોહલી (કેપ્ટન), મયંક અગ્રવાલ, પૃથ્વી શો, કેએલ રાહુલ, શ્રેયસ ઐયર, મનીષ પાંડે, રિષભ પંત (વિકેટકીપર), શિવમ દુબે, કુલદીપ યાદવ, યુઝવેન્દ્ર ચહલ, રવિન્દ્ર જાડેજા, જસપ્રિત બુમરાહ, મોહમ્મદ શમી, નવદીપ સૈની , શાર્દુલ ઠાકુર અને કેદાર જાધવ

ન્યૂઝીલેન્ડ: ટોમ લેથમ (કેપ્ટન), હેમિશ બેનેટ, ટોમ બ્લેંડલ, કોલિન ડી ગ્રાન્ડહોમ, માર્ટિન ગુપ્ટિલ, માર્ક ચેપમેન, કાયલ જેમિસન, સ્કોટ કુગલન, જિમ્મી નીશમ, હેનરી નિકોલ્સ, મિશેલ સેન્ટનર, ઇશ સોઢી, ટિમ સાઉથી અને રોસ ટેલર