ટેન્શન વધ્યું / ડેલ્ટા+ વેરિયન્ટને લઈને ગુજરાતથી ચિંતાજનક સમાચાર, હવે જામનગરમાં નોંધાયો કેસ

• ડેલ્ટા પ્લસ વેરિયન્ટનો ત્રીજો કેસ નોંધાયો 
• જામનગરનાં એક વૃદ્ધામાં દેખાયો વેરિયન્ટ 
• વૃદ્ધાના સંપર્કમાં આવેલા તમામ ઓબ્ઝર્વેશન હેઠળ

ગુજરાત સહિત આખા દેશમાં કોરોના વાયરસના કેસમાં ધીમે ધીમે ઘટાડો આવી રહ્યો છે. જોકે વાયરસના કેસ ઘટી રહ્યા છે પરંતુ કોરોના વાયરસના ડેલ્ટા પ્લસ વેરિયન્ટને લઈને ચિંતા વધી રહી છે. 

ગુજરાતમાં ડેલ્ટા પ્લસ વેરિયન્ટનો ત્રીજો કેસ નોંધાયો
કેન્દ્ર સરકારે ગુજરાત સહિતના કેટલાક રાજ્યોને ડેલ્ટા પ્લસ વેરિયન્ટને લઈને અલર્ટ રહેવાના આદેશ આપવામાં આવ્યા છે ત્યારે ગુજરાતમાં આ વેરિયન્ટનો ત્રીજો કેસ સામે આવ્યો છે. 

જામનગરનાં એક વૃદ્ધામાં દેખાયો કોરોનાનો ડેલ્ટા પ્લસ વેરિયન્ટ
જામનગરના એક વૃદ્ધામાં ડેલ્ટા પ્લસ વેરિયન્ટનો કેસ સામે આવ્યો છે. નોંધનીય છે કે 25મેના રોજ વૃદ્ધામાં કોરોનાના લક્ષણો દેખાયા હતાં જ્યારે 27મેના રોજ વૃદ્ધાનો કોરોના રીપોર્ટ પોઝિટિવ આવ્યો હતો. થોડા દિવસ સારવાર બાદ બીજી જૂને તેમને હોસ્પિટલમાંથી રજા આપવામાં આવી હતી.  

સંપર્કમાં આવેલા તમામને ઓબ્ઝર્વેશન હેઠળ રખાયા 
ડેલ્ટા પ્લસ વેરિયન્ટ હોવાનું સામે આવતા જ હાલ તંત્ર દોડતું થયું છે અને વૃદ્ધાના સંપર્કમાં આવેલા 8 લોકોના કોન્ટેક્ટ ટ્રેસ કરવામાં આવ્યા છે. ટ્રેસ કરાયેલા તમામ લોકોમાં કોરોનાના લક્ષણો જોવા મળી રહ્યા નથી જોકે તેમ છતાં સંપર્કમાં આવેલા તમામને ઓબ્ઝર્વેશન હેઠળ રાખવામાં આવ્યા છે.