નવું વર્ષ શરૂ થવા પર રોકાણ કરવાનું વિચારી રહ્યા છો? તો અમે તમને કેટલીક એવી યોજનાઓ વિશે જણાવવા જઈ રહ્યા છીએ જેમાં રોકાણ કરવા પર તમને સારો વ્યાજ દર મળી શકે છે
નવા વર્ષના અવસર પર રોકાણ કરવાનું વિચારી રહ્યા છો?
આ યોજનામાં રોકાણ કરવા પર સારો વ્યાજ દર મળી શકે છે
ચાલો જાણીએ કઈ છે આ યોજનાઓ.
નવું વર્ષ શરૂ થવામાં હવે માત્ર ગણતરીના દિવસો જ બાકી છે. એવામાં જો તમે પણ નવું વર્ષ શરૂ થવા પર રોકાણ કરવાનું વિચારી રહ્યા છો તો આ સમાચાર તમારા કામના છે. આજે અમે તમને કેટલીક શાનદાર યોજનાઓ વિશે જણાવવા જઈ રહ્યા છીએ જ્યાં રોકાણ કરીને બમ્પર વળતર મેળવી શકો છો. આપણે બધા જાણીએ છીએ કે નવું વર્ષ નવી શરૂઆત લઈને આવે છે અને એ નવા વર્ષના અવસર પર તમે પણ આ યોજનાઓમાં નોંધણી કરીને રોકાણ શરૂ કરી શકો છો.
અમે તમને કેટલીક એવી યોજનાઓ વિશે જણાવવા જઈ રહ્યા છીએ જેમાં રોકાણ કરવા પર તમને સારો વ્યાજ દર મળી શકે છે અને તેમાં રોકાણ કરીને તમે તમારું અથવા તમારા બાળકોનું ભવિષ્ય સુરક્ષિત કરી શકો છો. નિવૃત્તિ પછી આર્થિક રીતે આત્મનિર્ભર જીવન જીવવાનું સપનું હોય તો આ યોજનામાં જરૂરથી તમે પૈસા રોકી શકો છો. ચાલો જાણીએ કઈ છે આ યોજનાઓ..
પોસ્ટ ઓફિસ રિકરિંગ ડિપોઝિટ સ્કીમ
તમે રોકાણ કરવાનો પ્લાન બનાવી રહ્યા હોય તો તમે આ સ્કીમમાં માત્ર 100 રૂપિયાની રકમથી રોકાણ શરૂ કરી શકો છો. આ યોજનામાં 18 વર્ષથી વધુ ઉંમરનો કોઈપણ ભારતીય નાગરિક રોકાણ કરી શકે છે. જણાવી દઈએ કે રોકાણના નાણાં દર ત્રીજા મહિને ખાતામાં ઉમેરવામાં આવે છે સાથે જ આ યોજનામાં ચક્રવૃદ્ધિ વ્યાજનો લાભ પણ મળી રહે છે.
મ્યુચ્યુઅલ ફંડ
જો તમે લાંબા ગાળાને ધ્યાનમાં રાખીને રોકાણ કરીને તમારું ભવિષ્ય સુરક્ષિત કરવા માંગો છો. આવી સ્થિતિમાં તમે મ્યુચ્યુઅલ ફંડમાં રોકાણ કરી શકો છો. જણાવી દઈએ કે આ યોજનામાં રોકાણ કરીને તમને સારું વળતર મેળવી શકો છો અને ખાસ કરીને લાંબા ગાળાના રોકાણ માટે મ્યુચ્યુઅલ ફંડ એક શ્રેષ્ઠ વિકલ્પ છે.
કિસાન વિકાસ પત્ર યોજના
જો તમે થોડા વર્ષો માટે રોકાણ કરીને પૈસા બમણા કરવા માંગો છો તો આ યોજના તમારી માટે બેસ્ટ છે. તમે આ યોજનામાં રોકાણ કરવા પર તમને 6.9 ટકાના દરે વ્યાજ મળે છે. આ સ્થિતિમાં તમારા પૈસા 123 મહિનામાં ડબલ થઈ જાય છે.
LIC જીવન આનંદ પોલિસી
નવા વર્ષમાં રોકાણ કરવાનું વિચારી રહ્યા છો તો તમે LIC ની જીવન આનંદ પોલિસીમાં રોકાણ કરી શકો છો, તેમાં રોકાણ કરવા પર બોનસનો લાભ પણ મળે છે. આ સિવાય જો પોલિસી ધારક મૃત્યુ પામે છે તો આ સ્થિતિમાં 125% ડેથ બેનિફિટ પણ આપવામાં આવે છે. લોંગ ટર્મ રોકાણ માટે LIC ની આ યોજના શ્રેષ્ઠ વિકલ્પ છે.