તમારા કામનું / લેપટોપ ખરીદવાનું વિચારી રહ્યાં છો? તો પહેલાં આટલી બાબતોનું અવશ્ય ધ્યાન રાખજો, બચી જશો નુકસાનથી

Refurbished Laptop Tips: તમે જૂનુ લેપટોપ ખરીદવાનું વિચારી રહ્યા છો, તો તમારે કેટલીક બાબતોનું ખાસ ધ્યાન રાખવું જોઈએ. તમે અવિશ્વસનીય વેબસાઇટ પરથી ખરીદી કરો છો, તો તમને નુકસાન થઈ શકે છે. ખરીદતા પહેલા તેની સ્થિતિ અને ગુણવત્તા તપાસવી જોઈએ. આ સમય દરમિયાન ઑપરેટિંગ સિસ્ટમ અને સૉફ્ટવેરને યોગ્ય રીતે ઓળખવું પણ મહત્વપૂર્ણ છે. આ સિવાય બીજી કેટલીક બાબતો છે જેનું ધ્યાન રાખવું જોઈએ.

બજેટ હોય તેઓ તરત જ નવું લેપટોપ ખરીદી કરી લે છે. પરંતુ જેની પાસે પૈસા ઓછા છે તેમની પાસે રિફર્બિશ્ડ લેપટોપ ખરીદવાનો એકમાત્ર વિકલ્પ બચ્યો છે. આવી સ્થિતિમાં જો તમે જૂનું રિફર્બિશ્ડ લેપટોપ ખરીદવાનું વિચારી રહ્યા છો અને ઓછી કિંમતમાં સારો લેપટોપ મેળવવા માંગો છો, તો આ સમયે તમારે કેટલીક મહત્વપૂર્ણ બાબતોનું ધ્યાન રાખવું પડશે.

ગુણવત્તા અને કંડિશન

લેપટોપની ગુણવત્તા અને કંડિશન કોઈપણ વપરાશકર્તા માટે ખૂબ જ મહત્વપૂર્ણ છે. આવી સ્થિતિમાં કોઈપણ વેબસાઇટ અથવા અન્ય પ્લેટફોર્મ પરથી જૂનું લેપટોપ ખરીદતી વખતે, તેની ગુણવત્તા કાળજીપૂર્વક તપાસો. કારણ કે આ સમયે નાની બેદરકારી પણ તમને નુકસાન પહોંચાડી શકે છે.

ઓપરેટિંગ સિસ્ટમ્સ અને સોફ્ટવેર

લેપટોપ દેખાવમાં સારું લાગે પણ તેમાં મૂળભૂત બાબતોનો અભાવ હોય તો તેને ખરીદવું એ સારી વાત નથી. તેથી ઓપરેટિંગ સિસ્ટમ અને સોફ્ટવેરને યોગ્ય રીતે ઓળખવા જોઈએ. જેમ કે તેમાં ઓપરેટિંગ સિસ્ટમ કઇ આપવામાં આવી છે. આ સિવાય તે કયા સોફ્ટવેરને સપોર્ટ કરી શકે છે?

વોરંટી અને રિટર્ન

એવી ઘણી વેબસાઈટ અને પ્લેટફોર્મ છે જે આડેધડ રીતે નવીનીકૃત સામાનનું વેચાણ કરે છે. પરંતુ તેમાંથી બહુ ઓછી છે જેના પર વિશ્વાસ કરી શકાય છે. તેથી જ્યારે પણ તમે જુનું લેપટોપ ખરીદો, ત્યારે તેના પર ઉપલબ્ધ રીટર્ન પોલિસી અને વોરંટી તપાસો.

વધુ વાંચોઃ વરસાદમાં કાર ચલાવતી વખતે બસ આટલી બાબતોનું ધ્યાન રાખજો, ક્યાંય નહીં અટવાઓ

વિશ્વસનીય વેબસાઇટ પરથી ખરીદો

જૂનું લેપટોપ અથવા સ્માર્ટફોન ખરીદતી વખતે ફક્ત વિશ્વસનીય વેબસાઇટ પસંદ કરો. ઘણી વખત એવું બને છે કે કેટલાક લોકો સોશિયલ મીડિયા પરની જાહેરાતો પર વિશ્વાસ કરીને ત્યાથી સામાન ખરીદે છે. પરંતુ પાછળથી તેઓ છેતરાયા હોવાનું લાગે છે. તેથી ખરીદી માટે હંમેશા એવી વેબસાઇટ પસંદ કરો જે વિશ્વાસપાત્ર હોય.