કામની વાત / પાર્ટનર સાથે ઝઘડો થાય ત્યારે ભૂલથી પણ ન કહેવી આ વાત, નહીં તો આખી જિંદગી પસ્તાશો

• હાલ લોકડાઉનમાં પતિ-પત્ની આખો દિવસ સાથે જ હોય છે
• આ સમયમાં તમારા સંબંધોને વધુ મજબૂત કરો
• તમારા પાર્ટનરને ક્યારેય આ વાતો કહેવી નહીં

તુ સ્વાર્થી છે

ઘણીવાર એવું થાય છે કે તમારો પાર્ટનર તમારી ઇચ્છાઓ પહેલા પોતાની ઇચ્છાઓને વ્યક્ત કરે છે અને તે પુર્ણ પણ કરે છે. આવા સંજોગોમાં તમે તમારા પાર્ટનરને સ્વાર્થી કહી દો છો. આ શબ્દોથી સંબંધો બગડી શકે છે. તમે ગુસ્સામાં તમારા પાર્ટનરને સ્વાર્થી કહી દો તેના બદલે ઠંડા દિમાગથી વિચારો અને તેને પ્રેમથી સુલઝાવવામાં મદદ કરો.

તારી સાથે લગ્ન મારી ભુલ હતી

ભલે કેટલોય મોટો ઝઘડો થઇ જાય, પરંતુ તારી સાથે ઝધડો મારી સૌથી મોટી ભુલ હતી તેવુ કહેવાનુ ટાળો, આ વાત કોઇ પણ વ્યક્તિને ખરાબ લાગી શકે છે. મજાકમાં કહેવાયેલી આ વાત પણ દિલ પર ઉંડી અસર છોડી શકે છે, તો ગુસ્સામાં જ્યારે આ શબ્દો કહેવાય ત્યારે હાલત ખરાબ થાય છે. આ વાત ખુબ ખરાબ લાગી શકે છે અને તે જિંદગીભર મગજમાં રહે છે. આમ બોલવાથી સંબંધો સારા થવાના બદલે વધુ ખરાબ થતા જશે. 

મારી જોબ તારી જોબ કરતા વધુ મહત્ત્વની છે

પતિ-પત્નીમાં ગમે ત્યારે ઝધડો થાય તો પણ એકબીજાની જોબ વિશે ખરાબ ન બોલવુ. તમારો પાર્ટનર તમારી મદદ માટે જ જોબ કરે છે. કોઇ પાર્ટનર પૈસાથી એકલા મોજ મજા કરતો નથી. કોઇ પણ જોબ હોય તે મહત્ત્વની જ હોય છે. તેનો ફાયદો આખા પરિવારને થતો હોય છે. ગમે તેટલો ઝઘડો થાય પરંતુ એવુ ક્યારેય ન કહો કે તારા કામ કરતા મારુ કામ વધુ મહત્ત્વનુ છે. જો તમારી પત્ની હાઉસવાઇફ હોય તો પણ તેના કામ અંગે સવાલ ન ઉઠાવો. નહીંતો તે તમને ક્યારેય તેના કામ વિશે દિલ ખોલીને વાત નહીં કરે.

મને તારી માતા કે પરિવારજનો પસંદ નથી

એક વાત હંમેશા યાદ રાખો. તમે ક્યારેય ફક્ત તમારા પાર્ટનરને ચાહી ન શકો. તેની સાથે જોડાયેલી દરેક વસ્તુ અને દરેક વ્યક્તિ પણ તમારા માટે એટલા જ મહત્ત્વના હોવા જોઇએ. મને તારા માતા-પિતા કે બહેન-ભાઇ પસંદ નથી તેવા કડવા શબ્દો ક્યારેય ન ઉચ્ચારો. આવી વાત કોઇ પણ વ્યક્તિને હર્ટ કરી શકે છે. એટલુ યાદ રાખો તમારા પતિ કે પત્ની જેના ડીએનએનુ એક્સટેન્શન છે તે વ્યક્તિ વગર તે ન જ રહી શકે. આખરે લોહીના સંબંધો મજબુત જ હોય છે.