દરેક હેલ્ધી કહેવાતી વસ્તુ પણ દરેક સીઝનમાં હેલ્ધી હોતી નથી, તેથી વ્યક્તિએ સીઝન પ્રમાણેનો ખોરાક લેવો જોઇએ. એવી કેટલીક વસ્તુઓ છે જેનુ સેવન તમે ગરમીમાં કરો તો તે લાભદાયક છે, પરંતુ તે ઠંડીમાં ફાયદાકારક નથી. ઠંડીમાં આવી વસ્તુઓ આરોગવી શરદી અને કફ તેમજ ગળામા દુખાવાનુ કારણ બની શકે છે.
દહીં
આમ તો દહીં ખુબ જ ફાયદાકારક છે, પરંતુ ઠંડીના દિવસોમાં કાચા દહીંનો ઉપયોગ યોગ્ય નથી. તેની તાસીર ઠંડી હોય છએ. આ સીઝનમાં તે તમને શરદી, ખાંસી કે પાચન સંબંધિત સમસ્યાઓ આપી શકે છે. જો તમે તેનો ઉપયોગ કરવા જ ઇચ્છતા હો તો ફ્રાય કરીને કે છાશના રુપમાં તેનો પ્રયોગ કરી શકો છો.
દુધ
ભલે તમે માનો કે ન માનો, પરંતુ ઠંડીમા તેનો ઉપયોગ કરવો નુકશાનકારક છે. તે કફ ઉત્પન્ન કરે છે. કફ કે ઠંડી પ્રકૃતિવાળા લોકો માટે તે નુકશાનકારક છે. તમે ઇચ્છો તો તેને ગરમ કરીને, હળદર, મધ, ગોળ કે અંજીર સાથે તેને લઇ શકો છો.
ફુદીનો
આપણે આ મોસમમાં પણ ફુદીનાના સ્વાદને માણીએ છીએ. ચટણીના રુપમાં કે દુધ અથવા ચામાં નાંખીને તેનો ઉપયોગ કરવામાં આવે છે, પરંતુ તેની તાસીર ઠંડી હોય છે, તેથી આ સીઝનમાં તે તાવ કે શરદીનું કારણ બની શકે છે. તો આ સીઝનમાં જરુર પુરતો જ તેનો પ્રયોગ કરવો અને શક્ય હોય તો ટાળવો.
ફળો
આ સીઝનમાં તમારે ફળોની પસંદગીમાં ધ્યાન રાખવું પડશે. કયા ફળની તાસિર ઠંડી છે અને કોની નહીં તે જોવું પડશે. આ સીઝનમાં કેળા, સંતરા, જામફળ જેવા ફળો કફ અને કોલ્ડનુ કારણ બની શકે છે. પપૈયુ બેસ્ટ છે. જે લોકોને શરદી રહેતી હોય, પરંતુ કફ પ્રકૃતિ ન હોય તેઓ સંતરા ખાઇ શકે. જામફળ કે બોર પણ માપમાં ખાવા પડશે. દ્રાક્ષને તો બિલકુલ અવોઇડ કરવી જોઇએ.