કામની ખબર / જૂની કાર કે બાઇક ખરીદતી વખતે જરુરથી ચકાસી લો આ 4 બાબતો, નહીંતો થઇ શકે છે નુકશાન

• ગાડીના પેપર ચેક કરી લો
• 15વર્ષથી જુની ગાડી ના ખરીદો
• એન્જીન ઓઇલ જરુરથી ચેક કરો

એક જગ્યાથી બીજી જગ્યાએ જવા માટે વાહનની જરુર પડે છે. એક શહેરથી બીજા શહેર જવા માટે લોકો બસ, ટ્રેન, પ્લેન, કાર વગેરેનો ઉપયોગ કરે છે. તે જ રીતે પોતાના રોજબરોજના કાર્ય જેવા કે ઓફિસ જવુ, કોલેજ જવુ વગેરે જગ્યાઓ પર જવા માટે ઘણા લોકો બાઇકનો પણ ઉપયોગ કરે છે. પરંતુ દરેક વ્યક્તિ વાહન નવુ નથી ખરીદી શકતા. કારણ કે નવુ વાહન ખરીદવામાં પૈસા વધારે જરુર પડે છે. તેથી જ ઘણા લોકો જૂનામાં કાર કે બાઇક ખરીદે છે, જેનાથી તેઓ પોતાના કામ કરી શકે છે. જો તમે કોઇ જુનુ બાઇક કે કાર ખરીદી રહ્યા છો તો તમારે અમુક મહત્વની વાતોનું ધ્યાન રાખવુ જોઇએ. તો આવો તેના વિશે માહિતી મેળવીએ... 

આ બાબતોનું ધ્યાન રાખોઃ

જો તમે નવી ગાડી નહીં ખરીદી શકતા અને કોઇ દોસ્ત કે અન્ય વ્યક્તિ પાસેથી જૂની ગાડી ખરીદી રહ્યા છો. તો તેવામાં તમારે ગાડીના મોડલ નંબર જાણવો જોઇએ, તેના પાર્ટને ચેક કરી લો અને સાથે જ ગાડીમાં આ જરુર ચેક કરાવી લો કે તેનાં એન્જીન ઓઇલ છે કે નહીં. 

જો ગાડીમાં એન્જીન ઓઇલ ન હોય અને તમે તેવી ગાડી ચલાવો તો ગાડીના એન્જીન સુકાઇ શકે છે. જે ગાડી લાંબા સમયથી ઉપયોગમાં ન આવી હોય તો તેનું એન્જીન ઓઇલ સુકાઇ જતુ હોય છે, અથવા ખરાબ પણ થઇ જતુ હોય છે. તેથી જ તેને ચેક કરવુ જરુરી છે. 

તમે જે પણ કાર, બાઇક કે સ્કૂટી જૂની ખરીદી રહ્યા છો તો તેના દસ્તાવેજ જરુરથી ચેક કરી લો. તેમાં આરસી બુક, ઇનશ્યોરેન્સ, પીઓસી જેવા પેપર બરાબર છે કે નહીં. જો ગાડી 15 વર્ષ જૂની છે તો તેના ના ખરીદો કારણ કે આવી ગાડીને રોડ પર ચલાવવાની મનાઇ છે અને જો તેમ છંતા તમે તે ચલાવો છો તો તમારે દંડ ભરવો પડી શકે છે. 

જો તમે કોઇ જૂની ગાડી ખરીદી રહ્યા છો તો પોતાની સાથે કોઇ મેકેનિક અથવા એવા વ્યક્તિને જરુર રાખો જેનાથી આ વાહનોની જાણકારી હોય. જો તમે આમ નથી કરતા તો તમે દેખાવ જોઇને ગાડી ખરીદી લેશો પણ અંદરનું એન્જીન યોગ્ય રીતે કામ નહીં કરતુ હોય તો તમે ગાડી ચલાવી નહીં શકો, ઘરની બહાર શોભામાં જ રાખવી પડશે.