સાવધાન / જ્વેલરીના દુકાનધારકો ચેતી જજો, બાજુની દુકાનવાળાએ જે રીતે ચોરી કરી તે જોઈ પોલીસના પણ ઉડયા હોશ

• નવી મુંબઇમાંથી ઝડપાયા 2 ચોર
• અનોખી રીતે કરી જ્વેલરી શોપમાં ચોરી
• પોલીસ પણ ચોરીની રીત જોઇને થઈ સ્તબ્ધ

પોલીસના હાથે ઝડપાયેલા ચોરોએ પોતાની આગવી કળાથી જ્વેલરી શોપની બાજુમાં રહેલી દુકાન ભાડે લીધી અને ત્યારબાદ બંન્ને દુકાનો વચ્ચે આવેલી દિવાલમાં ડ્રીલ મશીનની મદદથી બાંકોરું પાડ્યું અને કરોડોના માલ લઈને છુમંતર થઇ ગયા હતા. જે વ્યક્તિઓ યુનિક રીતે ચોરીની ઘટનાને અંજામ આપ્યો હતો તે ઝારખંડનો રહેવાસી હોવાનો સામે આવ્યું છે.

ખાલી દુકાન રાખી ભાડે

નવી મુંબઈ પોલીસના ACP વિનાયક વસ્તે જણાવ્યું કે, ચોરે પહેલા વર્તક નગરના પોખરણ રોડ પર સ્થિત વરિમાતા જ્વેલરી શોપ પર કેટલાક દિવસ નજર રાખી રાખી હતી અને જ્યારે ખબર પડી કે જ્વેલરી શોપની બાજુની દુકાન ખાલી છે ત્યારે તેમણે માલિક પાસેથી તે ખાલી દુકાન ભાડે લીધી હતી.

જ્વેલરી શોપની રેકી કરી

ત્યારબાદ ગેસ કટરથી લઈને બાકીનો તમામ સામાન એકઠ્ઠો કર્યો જેથી તેઓ સરળતાથી જ્વેલરી કાઢવામાં સફળ રહે. થોડા દિવસ બાદ જ્વેલરીની દુકાનનો ખુલવાનો અને બંધ થવાનો સમય નોંધી લીધો હતો.

1.37 કરોડની મત્તા ચોરી

જે શખ્સે દુકાન ભાડે રાખી તેનું નામ રાહુલ અબ્દુલ માજીદ શેખ છે. તેણે અબ્દુલ ફ્રૂટ્સના નામે સાઇનબોર્ડ પણ લગાવ્યું હતું. 17 જાન્યુઆરી રાતે રાહુલે પોતાના 4 મિત્રો સાથે મળીને દુકાનની સહિયારી દિવાલમાં છેદ કર્યો અને આશરે 1.37 કરોડની ઘરેણાની ચોરી કરી હતી.