ઉત્તર પ્રદેશના સીનિયર IPS અધિકારી નવનીત સિકેરા અવાર-નવાર તેમના ફેસબુક પેજ પર સારા અને પ્રેરણાદાયક કિસ્સા શેર કરતા હોય છે. હાલમાં તેમણે તેમના ફેસબુક પેજ પર એક ચોરનો વીડિયો શેર કર્યો છે. જેમાં ચોર પોલીસકર્મીઓને બુલેટ ચોરવાની તેની ટ્રીકનો ડેમો બતાવી રહ્યો છે. વીડિયો ઉત્તર પ્રદેશના કિસા પોલીસ સ્ટેશનનો જણાવવામાં આવી રહ્યો છે. વીડિયોમાં ચોરના આ આશ્ચર્યજનક વીડિયોને જોઈને તમે પણ ચોંકી જશો.
IPS અધિકારી નવનીત સિકેરાએ એક ચોરનો વીડિયો શેર કર્યો
ચોરે પોલીસકર્મીઓને બુલેટ ચોરવાની તેની ટ્રીકનો ડેમો બતાવ્યો
ચોરે કેવીરીતે બુલેટ મોટરસાઈકલનુ લોક તોડ્યુ
દુબળા ચોરે 40 સેકન્ડમાં ચોરી કરી લીધી બુલેટ
સીનિયર IPS અધિકારી નવનીત સિકેરા દ્વારા શેર કરવામાં આવેલા આ વીડિયોમાં એક પાતળો ચોર પોલીસકર્મીઓને જણાવી રહ્યો છે કે કેવીરીતે તે બુલેટ મોટરસાઈકલનું લોક તોડતો હતો અને કેવીરીતે તે સ્ટાર્ટ કરીને ફરાર થાય છે. તે તેનો ડેમો પોલીસકર્મીઓને પણ બતાવી રહ્યો છે. ત્યારબાદ પોલીસકર્મી તેને ચોરીના ડેમોનુ બીજુ એક બાઈક આપવા માટે કહે છે. ત્યારબાદ ચોર બુલેટ પર બેસે છે અને એકઝાટકામાં લોકને તોડી નાખે છે.
આખુ પોલીસ સ્ટેશન જોતુ રહી ગયુ
ત્યારબાદ ચોર બાઈકની લાઈટની નીચેથી એક તાર કાઢે છે, જેને જોડીને 35-40 સેકન્ડની અંદર બુલેટને ચાલુ કરી નાખે છે. ચોરની આ તરકીબ જોઈને ત્યાં રહેલ પોલીસકર્મીઓ ચોંકી જાય છે. આ વીડિયોને શેર કરીને નવનીત સિકેરાએ લખ્યું, દરોગાજી કી બુલેટ, ગજબ શાનની સવારી છે. આજે પણ લોકો બુલેટને તેના અલગ અવાજ માટે પસંદ કરે છે. દરોગાજી અસલી દરોગા તમે ત્યારે લાગો છો જ્યારે તમે બુલેટ ચલાવો છો.