સુરતઃ હીરાબાગ-પાંડેસરા-ભેસ્તાન વિસ્તારમાં તસ્કરો આતંક મહિલા સહિત મોબાઇલ ચોર CCTVમાં કેદ

સુરતઃ શહેરમાં ચોરોનો આંતક વધ્યો છે. ત્યારે હીરાબાગ વિસ્તારમાં એક જ રાતમાં 3 દુકાનોને નિશાન બનાવી હતી. જ્યારે ભેસ્તાન વિસ્તારમાં કામવાળી બનીને આવેલી મહિલા ચોર ઝડપાઇ હતી. સાથે પાંડેસરા વિસ્તારમાં મોબાઇલની દુકાનોને બીજી વાર નિશાન બનાવી હતી.

સુરતના ભેસ્તાનમાંથી ઝડપાઈ મહિલા ચોર
સુરતના ભેસ્તાનમાંથી મહિલા ચોર ઝડપાઇ હતી. કામવાળી બનીને ચોરી કરવા આવેલી મહિલા ઝડપાઈ હતી. મકાન માલિકે CCTVના આધારે મહિલાને ઝડપી હતી. રામેશ્વર સોસાયટીમાં ચોરી કરતી મહિલા CCTVમાં કેદ થઇ હતી. 6 મહિના પહેલા પણ ચોરી કરતા સમયે થઈ હતી CCTVમાં આ મહિલા કેદ થઇ હતી. પાંડેસરા પોલીસે મહિલાની ધરપકડ કરીને કાર્યવાહી હાથધરી છે.  



સુરતના પાંડેસરા વિસ્તારની ઘટના મોબાઇલની દુકાનોને બનાવી નિશાન
સુરતના પાંડેસરા વિસ્તારમાં તસ્કરોએ તરખાટ મચાવી દીધો છે. મોબાઈલની દુકાનને તસ્કરોએ બીજી વાર નિશાન બનાવી છે. 4 લાખના મોબાઈલની ચોરી કરી તસ્કરો ફરાર થઈ ગયા છે. ચોરી કરવા આવેલ 2 ચોરો CCTVમાં કેદ થયા છે. જ્યાં તમે CCTVમાં સ્પષ્ટ જોઈ શકો છો કે તસ્કરો દુકાનમાં આવતા પહેલા CCTVની તોડફોડ કરી હતી. સમગ્ર મામલે પોલીસે વધુ તપાસ હાથ ધરી છે.

હીરાબાગ વિસ્તારમાં એક રાતમાં 3 દુકાનોને બનાવ્યો નિશાન
સુરતના હીરાબાગ વિસ્તારમાં આવેલા સહજાનંદ કોમ્પ્લેસમાં એક સાથે ત્રણ દુકાનોના તાળા તૂટ્યા હતા. મંગળવારે રાતે ચોરોએ ત્રણ દુકાનોને નિશાન બનાવ્યો હતો. શટર તોડીને ચોર દુકાનની અંદર પ્રવેશ્યા હતા. વિશ્વનાથ ટ્રાવેલ્સની ઓફિસમાંથી 1 લાખ 57 હજાર રૂપિયા રોકડા એમટુએમ નામની કપડાની દુકાનમાંથી 4 હજાર રૂપિયાની શખ્સોએ ચોરી કરી હતી. જ્યારે નીલકંઠ બેટરીની દુકાનમાં ચોરી કરવામાં ચોર નિષ્ફળ રહ્યા હતા. આ સમગ્ર ઘટના CCTVમાં કેદ થઈ હતી. એક કોમ્પ્લેસમાં એક રાતમાં ત્રણ દુકાન તુટતા પોલીસના પેટ્રોલિંગ પર સવાલ ઉઠ્યા છે.