ભારે કરી! / CCTV: જાજરમાન લગ્નમાં સૂટ-બૂટ વાળો ચોર, 10 લાખનો માલ ઉડાવીને થયો રફુચક્કર, વરરાજાને આવ્યા ચક્કર

• ચોરીની ઘટના સીસીટીવીમાં કેદ થઈ 
• પોલીસે સીસીટીવીમાં ઝડપાયેલા યુવકની શોધખોળ હાથ ધરી 
•  સૂટ બૂટ  કોટ પહેરીને આવેલો ચોર મોકો જોઈ હાથ સાફ કરી ગયો

એમપીમાં કટનીના એક મેરેજ ગાર્ડનમાં આયોજિત કરવામાં આવેલી લગ્નમાં મહેમાનની જેમ સામેલ થઈ તક જોઈ સોના-ચાંદીના દાગીના અને 5 લાખ કેશ લઈને ચોર ફરાર થઈ ગયો.  મામલો શહેરના એનકેજ પોલીસ સ્ટેશન અંતર્ગત જુહલા બાયપાસની પાસે સ્થિત એક મેરેજ ગાર્ડનમાં બન્યો છે. ચોરીની ઘટના સીસીટીવીમાં કેદ થઈ છે. 

પોલીસે સીસીટીવીમાં ઝડપાયેલા યુવકની શોધખોળ હાથ ધરી 

વીડિયોમાં સ્પષ્ટ જોઈ શકાય છે કે કેવી રીતે આ યુવક દરવાજાને લાત મારી ખોલે છે અને તક મળવીને રફુચક્કર થઈ જાય છે. પોલીસે સીસીટીવીમાં ઝડપાયેલા યુવકની શોધખોળ હાથ ધરી છે.  વિજયરાધવગઢ સ્ટેશન અંતર્ગત બરહટા ગામ નિવાસી અભિનેષ બેધલની  જુહલા રપટ્ટાની પાસે સ્થિત રાધવ એજન્સી હોટલમાં લગ્ન હતા. બધેલ પરિવારના સભ્યો હોટેલના રુમ નંબર 108માં રોકાયા હતા.

10 લાખનો માલ ચોરી

લગ્ન સમારોહની વિધી પુરી કર્યા બાદ બઘેલ પરિવાર જ્યારે રુમમાં પહોંચ્યા તો 5 લાખની રોકડ, સોનાની જનૌઈ, ચાંદીની થાળી, ચાંદીની માછલી ચોરી થઈ ગઈ હતી. ચોરી લગભગ 10 લાખ રુપિયાની ગણાવાઈ રહી છે. 

 સૂટ બૂટ  કોટ પહેરીને આવેલો ચોર મોકો જોઈ હાથ સાફ કરી ગયો

પોલીસે ફરિયાદ પર અજ્ઞાત ચોરની સામે ફરિયાદ નોંધી છે. આ ઘટના 17 નવેમ્બરની ગણાવવામાં આવી રહી છે જ્યારે 19 નવેમ્બરે ફરિયાદ નોંધવામાં આવી છે.   સીસીટીવીના ફુટેજ અને લગ્ન સમારોહમાં કરાવવામાં આવેલી વીડિયોગ્રાફી અને ફોટોગ્રાફ પણ પોલીસે તપાસ્યા છે. સીસીટીવી ફુટેજમાં એક યુવક જોવા મળી રહ્યો છે. જે વર કે વધુ બન્ને પક્ષનો નથી. સૂટ બૂટ  કોટ પહેરીને આવેલો ચોર થોડી વાર મહેમાની વચ્ચે બેઠો અને પછી ચોરીને અંજામ આપીને  ફરાર થયો. પોલીસ પાસે કોઈ ટીપ નથી.