ચોરીનો એક અજીબ કેસ સામે આવ્યો છે. શું તમે ક્યારેય સાંભળ્યું છે કે ચોર કોઈના ઘરમાં ચોરી કરવાના ઈરાદે ઘુસ્યો હોય. પરંતુ ઘરમાં સુંદર મહિલાને જોઈને તેની નિયત બદલાઈ ગઇ હોય. હા, બિહારની રાજધાની પટણામાં આવો જ કેસ સામે આવ્યો છે.
ચોર ઘરમાં ચોરી કરવાના ઈરાદે ઘુસ્યો
સુંદર મહિલાને જોઈને ચોરની નિયત બદલાઈ
ચોરે મહિલા સાથે બળજબરી કરવાનો પ્રયાસ કર્યો
ચોરી કરવાના ઈરાદે ચોર ઘરમાં ઘુસ્યો
મીડિયા અહેવાલો મુજબ, પટણાના એરપોર્ટ પોલીસ સ્ટેશનના ચૌધરી ટોલા શેરીમાં ગયા શનિવારે ચોરીના ઈરાદે એક તસ્કર ઘરમાં ઘુસ્યો હતો. પરંતુ રૂપિયા ચોરતી વખતે તે પોતાના ઉદ્દેશ્યથી ભટકી ગયો હતો. ચોરે ઘરમાં સુંદર મહિલાને જોઈ. ત્યારબાદ ચોરે મહિલા સાથે બળજબરી કરવાનો પ્રયાસ કર્યો. દરમ્યાન મહિલાએ જેવી બૂમો પાડી કે તરત જ ચોર ભાગી ગયો. સ્થાનિક મીડિયા મુજબ, ચોરી કરનાર શખ્સ ચૌધરી ટોલાનો રહેવાસી છે અને તેણે પોતાની શેરીમાં ચોરી કરવાનો પ્રયાસ કર્યો. લાલચી ચોર જ્યારે ઘરમાં ઘુસ્યો ત્યારે મહિલા પોતાના બાળકોની સાથે ઉંઘી રહી હતી. આ દરમ્યાન ચોરે મહિલા સાથે દુષ્કર્મ કરવાનો પ્રયાસ કર્યો. જોકે, મહિલાએ જોરજોરથી ચિસ પાડતા ચોર ડરીને નાસી ગયો. જ્યારે ચોર ભાગ્યો ત્યારે પોલીસ બહાર પેટ્રોલિંગ કરી રહી હતી. પોલીસે થોડી મિનિટોમાં તેને દબોચી લીધો. મહિલાએ ઓળખ કર્યા બાદ પોલીસે તસ્કર વિરુદ્ધ કેસ નોંધી તેને જેલહવાલે કર્યો છે.
સુંદર મહિલા જોઈને ચોરની દાનત બદલાઈ
પોલીસ અધિકારી અરૂણ કુમારે આ સંદર્ભે વિસ્તૃતપૂર્વક માહિતી આપી. તેમણે જણાવ્યું કે સૌરવ નામના શખ્સે ગયા શનિવારે પોતાની શેરીના એક ઘરમાં પ્રવેશ કર્યો. મહિલા પોતાના બાળકો સાથે ઉંઘી રહી હતી ત્યારે ચોરે તકિયાની નીચે હાથ નાખી તિજોરીની ચાવી કાઢવાનો પ્રયાસ કર્યો. પરંતુ તેને 10 હજાર રૂપિયાનું બંડલ હાથમાં લાગ્યું. આ દરમ્યાન મહિલાની ઉંઘ ઉડી ગઇ. ચોરે જેવી મહિલાને જોઈ કે તરત જ તેની દાનત બદલાઈ ગઇ અને તસ્કરે મહિલા સાથે બળજબરી કરવાનો પ્રયાસ કર્યો.