PSLની બીજા એલિમિનેટર મૅચમાં કંઈક એવું થયું કે, પેશાવર જલમીને ઇસ્લામાબાદ યુનાઈટેડ સામે માત્ર 10 પ્લેયર્સ સાથે ફિલ્ડિંગ કરવી પડી હતી.
ઍમ્પાયરે ખેલાડીને રિપ્લેસ કરવાની ના પાડી
માત્ર 10 ફિલ્ડર સાથે કરવી પડી ફિલ્ડિંગ
ઍમ્પાયરના મતે ઈરફાન ઇજા થઈ હોવાનું નાટક કરે છે
ઇજા સાથે પણ ઇરફાને કરી ઓવર સમાપ્ત
મૅચની 11મી ઓવર દરમિયાન પેશાવર જલમીના ફાસ્ટ બોલર મોહમ્મદ ઈરફાન પોતાના સ્પેલની છેલ્લી ઓવર નાખી રહ્યો હતો ત્યારે પગમાં ખેંચ આવી હતી પરંતુ પોતાની ઓવર સમાપ્ત કરી દીધી હતી. ઓવર સમાપ્ત થતાં જ તે ડૉક્ટર દ્વારા સારવાર લેવા માટે બાઉન્ડ્રી પર જતો રહ્યો અને ઇજા વધુ હોવાથી મૅચમાં પરત ન ફરી શક્યો.
અલીમ ડાર અને રિયાઝ વચ્ચે થઈ લાંબી ચર્ચા
ઈરફાનના બદલે હૈદર અલી ગ્રાઉન્ડ પર આવતા જ એમ્પાયર અલીમ ડારે તેને અટકાવી દીધો. પેશાવર જલમીના કેપ્ટન વહાબ રિયાઝ, સિનિયર ખેલાડી શોએબ મલિક અને ઍમ્પાયર અલીમ ડાર વચ્ચે ઈરફાનની ઇજા પર લાંબી ચર્ચા થઈ હતી. અલીમ ડારનું માનવું હતું કે, ઈરફાનની ઇજા ખોટી છે અને જલમી માત્ર સારા ફિલ્ડરને રમાડવા માટે ઇજા થઈ હોવાનું નાટક કરે છે.
હૈદર અલી ઈરફાનની સરખામણીમાં ઘણો સારો ફિલ્ડર
10 પ્લેયર્સ સાથે ફિલ્ડિંગ કરવી ક્રિકેટના ઇતિહાસમાં આવું ભાગ્યે જ બન્યું હશે. pslને iplની સાથે સાથે દુનિયભરની તમામ મોટી ટુર્નામેન્ટ સાથે સરખાવવામાં આવે છે એવામાં આવી ઘટના pslનું સ્ટાન્ડર્ડ દર્શાવે છે કે, પાકિસ્તાનના ઍમ્પાયર પણ ખેલાડીઓ સાથે એકમત નથી. હૈદર અલી ઈરફાનની સરખામણીમાં ઘણો સારો ફિલ્ડર છે અને તેટલા માટે જ પેશાવર જલમી ઈરફાનનો બોલિંગ સ્પેલ સમાપ્ત થતાં જ તેને હૈદર સાથે રિપ્લેસ કરવા માટે આતુર હતા.
હૈદર અલીને ફિલ્ડિંગ કરતાં અટકાવ્યો
અલીમ ડારનુ માનવું હતું કે, જો ઇજા એટલી જ ગંભીર હોત તો છેલ્લી ઓવર ઈરફાને પૂરી કરી જ ના શકે. મેડિકલ સ્ટાફ દ્વારા મૅચ દરમિયાન ચોક્કસ જવાબ ના આવતા અલીમ ડારે પેશાવર જલમીને ઈરફાનને પાછો બોલાવો નહિતર માત્ર 10 પ્લેયર્સ સાથે ફિલ્ડિંગ કરવાનો વિકલ્પ આપ્યો. હૈદર અલીને ઈરફાનના બદલે ફિલ્ડિંગ કરવાની ના પાડી દેવામાં આવી હતી.
10 પ્લેયર્સ સાથે કરવી પડી ફિલ્ડિંગ
ઇનિંગની 11મી ઓવરથી લઈને 15મી ઓવર સુધી પેશાવર જલમીને માત્ર 10 પ્લેયર્સ સાથે ફિલ્ડિંગ કરવી પડી હતી. છેવટે 15મી ઓવરમાં ફરીથી અલીમ ડાર અને વહાબ રિયાઝ વચ્ચે લાંબી ચર્ચા થઈ અને ડૉક્ટર દ્વારા ઈરફાનની ઇજા સાચી છે એ વાતની ખાતરી થયા બાદ અલીમ ડારે ઈરફાનના બદલે બીજા ખેલાડીને રમાડવાની પરવાનગી આપી હતી.