Health / ઊંઘ અને તમારે છે 36નો આંકડો, તો આ ટિપ્સ અપનાવો

• કેટલાક લોકો એવા હોય છે જે દિવસનો થાક દૂર કરવા માટે ચા કે કોફીનું સુતાં પહેલાં સેવન કરે છે, તેથી ઊંઘ ઊડી જાય છે અને તેઓ રાતે સારી રીતે સૂઇ શકતા નથી. જો તમને પણ ઊંઘની સમસ્યા થતી હોય તો ચા કે કોફીનું સેવન ઓછું કરી દો

• કેટલાક લોકોને સૂતાં પહેલાં સ્નાન કરવાની આદત હોય છે, પરંતુ તમે જાણો છો કે સૂતાં પહેલાં સ્નાન કરવાની આદતથી પણ ઊંઘ ઊડી જાય છે, તેથી સૂવાના સમયની બરાબર પહેલાં સ્નાન ન કરો. થોડી વાર પહેલાં નાહી લો.

• ઘણી વાર આપણે રાતે ડિનરમાં હેવી ખોરાક ખાઇ લઇએ છીએ. આ કારણે પણ ઊંઘ આવતી નથી. રાતે હંમેશાં ઓછું અને હળવું ભોજન કરો.

• સૂતાં પહેલાં હળવા યોગ અને હળવી એક્સર્સાઇઝ કરો, તમે ડિનર બાદ થોડો સમય ચાલી પણ શકો છો, પરંતુ યાદ રાખો રાતે તમારે બ્રિસ્ક વોકિંગ કરવાનું નથી. 

• સૂતાં પહેલાં ગરમ કે હૂંફાળા દૂધનું સેવન કરો તેનાથી તમને સારી ઉંઘ આવશે અને તમે રિલેક્સ પણ ફીલ કરશો.

• જો તમને સારી ઊંઘ ન આવતી હોય તો પગના તળિયે સરસવના તેલની માલિશ કરો. તેનાથી તમે રિલેક્સ ફીલ કરશો.

આ બીમારીઓને આમંત્રણ આપે છે અનિદ્રા

• જ્યારે તમને સારી ઊંઘ ન આવે ત્યારે તમારું સુગર લેવલ વધી જાય છે અને તેનાથી હાઇબીપી તેમજ સુગર જેવી બીમારી થવાનો ખતરો વધે છે.

•    ઊંઘ પૂરી ન થાય ત્યારે હાડકાં નબળાં પડે છે અને તમારી અંદર મિનરલ્સની કમી થાય છે.

•    ઊંઘ પૂરી ન થાય ત્યારે વ્યકિત ચીડિયાપણું અનુભવે છે. જ્યારે તમને ઓછી ઊંઘ થશે ત્યારે તેની અસર માનસિકતા પર પણ પડે છે. વ્યકિત ફ્રેશ ફીલ કરી શકતી નથી. સારી ઊંઘ માટે યોગાસન કરવા જોઇએ.