બાપ રે બાપ / ગર્લફ્રેન્ડ રાખવી કે MEME શેર કરવું ગુનો! બીજાનો ફોન ટચ કર્યો તો 6 મહિનાની જેલ: પાકિસ્તાનના અજબ કાયદા જાણી વિચારમાં પડી જશો

• પાકિસ્તાનના આ કાયદા જાણી ઉડી જશે તમારા હોશ
• તમને થશે કે પાકિસ્તાનમાં રહેતા લોકો પર કેટલા પ્રતિબંધ છે?
• પાકિસ્તાનમાં જો તમે ગર્લફ્રેન્ડ રાખો તો મળશે તમને સજા

પાકિસ્તાનમાં ત્રણ પ્રકારના કાયદા લાગુ 

મહત્વનું છે કે પાકિસ્તાનમાં ત્રણ પ્રકારના કાયદા લાગુ છે. જેમાં પાકિસ્તાન પીનલ કોડ, શરિયા કાયદો અને જિરગા કાયદો સામેલ છે. જિરગા કાયદો આદિવાસી વિસ્તારમાં લાગુ થાય છે. આ કાયદામાં ઘણાં અનોખા નિયમ છે અને જો આવા કાયદાઓ ભારતમાં લાગુ કરી દેવામાં આવે તો ખૂબ મુશ્કેલી સર્જાય છે. પાકિસ્તાનની એક વેબસાઈટ પર આપવામાં આવેલી માહિતીના આધારે અહીં તમને જણાવીએ છીએ કે કેવા અનોખા કાયદાઓ છે.

શિક્ષણ ફી પર કપાય છે ટેક્સ

પાકિસ્તાનમાં સાક્ષરતા દર ખૂબ નીચો છે અને શિક્ષણને પ્રોત્સાહન આપવા માટે હજી પણ કડક પગલા ઉઠાવવામાં આવતા નથી. તમને જાણીને આશ્ચર્ય થશે કે પાકિસ્તાનમાં જો કોઈ વિદ્યાર્થી પોતાના અભ્યાસ પર 2 લાખથી વધુ ખર્ચ કરે તો તેણે 5 ટકા ટેક્સ આપવો પડે છે. જેના કારણે પાકિસ્તાનમાં લોકો ઓછું ભણે છે.

પાકિસ્તાન ઈઝરાયલને દેશ માનતો નથી

કેટલાંય રિપોર્ટ્સમાં કહેવામાં આવ્યું છે કે પાકિસ્તાન પોતાના નાગરિકોને ઈઝરાયલ જવાની મંજૂરી આપતો નથી. કારણકે ત્યાંની સરકારને લાગે છે કે ઈઝરાયલ કોઈ દેશ નથી. તેથી ત્યાંની સરકાર ઈઝરાયલ જવા માટે વિઝા આપતી નથી.

જો ગર્લફ્રેન્ડ રાખશો તો થશે સજા

પાકિસ્તાનના Hudood Ordinance મુજબ, તમે પશ્ચિમી દેશોની જેમ ગર્લફ્રેન્ડ રાખી શકતા નથી. સરકાર લગ્ન વગર કોઈ પણ પુરૂષને મહિલા સાથે રહેવાની આઝાદી આપતી નથી. એટલેકે તમારે લગ્ન કરવા ફરજીયાત છે. જો કોઈ યુવક પોતાની ગર્લફ્રેન્ડ સાથે રહેતો પકડાઈ જાય તો તેને જેલની સજા પણ થાય છે. ઉલ્લેખનીય છે કે, થોડા સમય પહેલાં સિંધ પ્રાંતમાં એક અજબ બિલની દરખાસ્ત રજૂ કરવામાં આવી હતી. જે મુજબ 18 વર્ષની ઉંમરે લોકોએ લગ્ન કરવા જરૂરી છે. આ સિવાય જે આ કાયદાને નહીં માને તેને સજા મળશે.

પીએમ પર કોમેન્ટ કરી શકશો નહીં

ભારત જેવા તમામ દેશોમાં તમને બોલવાની આઝાદી મળે છે. તો પાકિસ્તાનમાં ઘણી બાબતો પર પ્રતિબંધ છે. જેમાંથી એક છે પાકિસ્તાનના વડાપ્રધાનની મજાક કરવી. પાકિસ્તાનમાં કોઈ પણ નાગરિક પોતાના પીએમની મજાક ઉડાવી શકે નહીં.