હાઈ કોલેસ્ટ્રોલ અને બેડ કોલેસ્ટ્રોલ હાર્ટ એટેક અને સ્ટ્રોક જેવી બીમારીઓનું કારણ બની શકે છે. તેની સારવાર માટે લાંબા સમય સુધી દવાઓ લેવી પડે છે. પરંતુ યોગ્ય સમયે નિયમિત વ્યાયામ કરીને અને ડાયેટમાં યોગ્ય ફેરફારો કરીને, ઘરે બેઠા આના જોખમને ઘણી હદ સુધી ઘટાડી શકાય છે.
ઘરે બેઠા આ રીતે ઘટાડો બેડ કોલેસ્ટ્રોલ
નહીં ખાવી પડે વધારે દવાઓ
ડાયેટ અને વ્યાયામમાં કરો થોડા ફેરફાર
હાઈ કોલેસ્ટ્રોલને સાયલન્ટ કિલર પણ કહેવામાં આવે છે. આજકાલ લાખો લોકો હાઈ કોલેસ્ટ્રોલની સમસ્યાથી પીડિત છે. કોલેસ્ટ્રોલની નિર્ધારિત માત્રા જાળવવી જરૂરી છે. કોલેસ્ટ્રોલ બે પ્રકારના હોય છે - ગુડ કોલેસ્ટ્રોલ અને બેડ કોલેસ્ટ્રોલ. ગુડ કોલેસ્ટ્રોલને હાઈ ડેન્સિટી લિપોપ્રોટીન (HDL) કહેવાય છે. તે બ્લડ સર્કુલેશન અને કોષોના નિર્માણ માટે ખૂબ જ ફાયદાકારક માનવામાં આવે છે.
ત્યાં જ બેડ કોલેસ્ટ્રોલને લો ડેન્સિટી લિપોપ્રોટીન (LDL) કહેવામાં આવે છે. તે ખતરનાક માનવામાં આવે છે. કારણ કે તે રક્તકણોમાં જમા થવા લાગે છે, પછી લોહીનો ફ્લો ઓછો થઈ જાય છે અથવા બિલકુલ બંધ થઈ જાય છે. જેના કારણે તમારે હૃદય રોગ જેવી સમસ્યાઓનો સામનો કરવો પડી શકે છે. કારણ કે બેડ કોલેસ્ટ્રોલ રક્ત કોશિકાઓને બ્લોક કરે છે જે બ્લડ અને ઓક્સિજન હૃદય સુધી પહોંચાડે છે.
દવા વિના કઈ રીતે નિયંત્રિત કરશો કોલેસ્ટ્રોલ?
જો તમે તમારા શારીરિક લક્ષણોમાં કોઈ સમસ્યા અનુભવી રહ્યા છો, તો સૌ પ્રથમ તમારા કોલેસ્ટ્રોલની યોગ્ય અને વિશ્વસનીય માન્યતા પ્રાપ્ત લેબમાં તપાસ કરાવો. જો રિપોર્ટમાં તેનું લેવલ ઉંચુ આવે તો સૌથી મહત્ત્વની બાબત એ છે કે તમે તરત જ તમારા ફેમિલી ડૉક્ટર અથવા સારા ફિઝિશિયનનો સંપર્ક કરો.
મહત્વનું છે કે કેટલાક કિસ્સાઓમાં દવાઓ વિના પણ કુદરતી પદ્ધતિઓ દ્વારા હાઈ કોલેસ્ટ્રોલનું સ્તર ઘટાડી શકાય છે. એવામાં અમે તમને કેટલીક એવી પદ્ધતિઓ વિશે જણાવવા જઈ રહ્યા છીએ. જેની મદદથી તમે કુદરતી રીતે કોલેસ્ટ્રોલનું સ્તર ઘટાડી શકો છો.
વજન ઘટાડો
જો તમે તમારું કોલેસ્ટ્રોલ લેવલ ઓછું કરવા માંગો છો તો સૌથી પહેલા એ જરૂરી છે કે તમે તમારૂ વજન ઓછું કરો. હકીકતે પેટની આસપાસ પેટની ચરબી વધવાથી આંતરડાની ચરબી વધે છે જે તમારા લીવરને અસર કરે છે. વજન ઘટાડવા માટે એ જરૂરી છે કે તમે હેલ્ધી ડાયટ લો અને વધુમાં વધુ પાણીનું સેવન કરો.
આલ્કોહોલનું સેવન બંધ કરો
જો તમારે તમારા સ્વાસ્થ્યનું ધ્યાન રાખવું હોય તો તમારે દારૂનું સેવન બંધ કરવું પડશે. જો કે, કેટલીકવાર તમે ચોક્કસ માત્રામાં તેનું સેવન કરી શકો છો. મહત્વનું છે કે આલ્કોહોલના વધુ પડતા સેવનથી શરીરમાં કોલેસ્ટ્રોલનું સ્તર વધે છે.
સ્મોકિંગ છોડો
સ્મોકિંગ તમારા હૃદય અને ધબકારા પર ઘણું દબાણ લાવે છે. સંશોધકોને જાણવા મળ્યું કે ધૂમ્રપાન છોડવાથી રક્ત પરિભ્રમણ અને લંગ ફંક્શનમાં સુધારો કરીને HDL કોલેસ્ટ્રોલના લેવલમાં સુધરો આવે છે.
વ્યાયામ કરો
જો તમે તમારું કોલેસ્ટ્રોલ લેવલ ઓછું કરવા માંગતા હોવ તો એ જરૂરી છે કે તમે ઓછામાં ઓછું બેસી રહો અને દિવસભર તમારી શારીરિક પ્રવૃત્તિઓમાં વધારો કરો. તમે તમારી મનપસંદ પ્રવૃત્તિઓ જેમ કે સ્વિમિંગ, વૉકિંગ, સાઇકલિંગ, ડાન્સ વગેરે કરી શકો છો.
મહત્વનું છે કે તમે તમારો મોટાભાગનો સમય બેસીને પસાર ન કરો. દર અડધા કલાકે ઉઠો અને એક નાનું વોક લો. શારીરિક પ્રવૃત્તિ લોહીમાં એચડીએલનું સ્તર વધારે છે, જે એલડીએલનું સ્તર ઘટાડી શકે છે.
હેલ્ધી ડાયટ
જો તમે પણ કોલેસ્ટ્રોલ લેવલ ઓછું કરવા માંગતા હોવ તો તમારે તરત જ પ્રોસેસ્ડ ફૂડ અને વધુ પડતું મીઠું અને ખાંડનું સેવન બંધ કરવું પડશે. ઓટમીલ, રાજમા, સફરજન અને સ્પ્રાઉટ્સ લોહીમાં કોલેસ્ટ્રોલનું સ્તર ઘટાડવામાં મદદ કરે છે. બીજી તરફ, અખરોટ, અળસી એટલે કે ઓમેગા-3 ફેટી એસિડથી ભરપૂર અળસી પાવડર જેવા કુદરતી ઉત્પાદનો આપણી રક્ત કોશિકાઓ માટે સારા માનવામાં આવે છે.