બનાસકાંઠા / સંચાલકોની ગરબડી સામે અનોખો વિરોધ, ગુજરાતમાં આ ગામલોકોએ રસ્તાઓ પર ઢોળી દીધું દૂધ, જુઓ પછી શું થયું ?

• દૂધ ઉત્પાદકનો ડેરી સામે વિરોધ
• નફાની વહેંચણીમાં ગરબડનો આક્ષેપ
• ડેરી આગળ દૂધ ઢોળી નોંધાવ્યો વિરોધ

બનાસકાંઠાના ધરણોધર ગામે દૂધ ઉત્પાદકોનો ડેરી સામે વિરોધ નોંધાવી રહ્યા છે, દૂધ ઉત્પાદકોને ડેરીના નફામાં વહેંચણી કરવામાં ગરબડ કરવામાં આવી રહી છે તેવા આક્ષેપ સાથે દૂધ ઉત્પાદકોએ ડેરી આગાળ જ દૂધ ઢોળીને વિરોધ નોંધાવ્યો છે. ડેરીના મંત્રીઓ નફાની વહેંચણીમાં ગરબડ કરતા હોવાનો દૂધ ઉત્પાદકોએ આરોપ લગાવ્યો છે.

દૂધ ઉત્પાદકનો ડેરી સામે વિરોધ

મહત્વનું છે કે ચાર વર્ષથી ઓડિટ કરવામાં આવતું નથી અને પશુપાલકોએ જ્યારે રજૂઆત કરવા આવે છે ત્યારે સંચાલકો દ્વારા કોઈ તેમની વાત પણ સાંભાળતા નથી ત્યારે ઉત્પાદકોએ વિરોધ કરતા મંત્રીઓ ડેરીને લોક મારીને જતા રહેતા દૂધ ઉત્પાદકોએ દૂધ ઢોળીને વિરોધ નોંધાવ્યો હતો તેમજ અચાનક ડેરી બંધ કરતા મંત્રી શંકર રબારી સામે દૂધ ઉત્પાદકોએ આક્ષેપ લગાવતા વારે બાજી કરી હતી. 

નફાની વહેંચણીમાં ગરબડનો આક્ષેપ

ઉલ્લેખનિય છે કોરોના બાદ હવે સ્થિત ધીમે ધીમે થાળે પડી રહી છે એક તરફ ભારે વરસાદને લીધે ખેડૂતોના પાકને નુકસાન થયું છે તો ખેડૂતોને પશુઓના અનાજ માટે પુરતો જથ્થો પણ મળતો નથી એવામાં ડેરીના સંચાલકો દ્વારા મનમાની કરાતા દૂધ ઉત્પાદકોમાં રોષ જોવા મળી રહ્યો છે. દૂધ ઉત્પાદકો ડેરીમાં નફામાંથી યોગ્ય રીતે વહેંચણી કરવામાં આવે તેવી માંગ કરી રહ્યા છે, પણ ડેરીના મંત્રી કે સંચાલકો દ્વારા દૂધ ઉત્પાદકોની કોઈ વાત ધ્યાને લેવામાં આવતી નથી. જેને પગલે આજે દૂધનો વ્યય કરીને અનોખી રીતે વિરોધ દર્શાવવામાં આવ્યો હતો.