સોખડાના હરિપ્રસાદ સ્વામી અક્ષર નિવાસ થતા તેમના પાર્થીવ મૃતદેહના દર્શન કરવા દિગ્ગજ નેતાઓ પણ આવાના છે. જેમા કેન્દ્રીય ગૃહમંત્રી અમિતશાહ પણ તેમના દર્શન કરવા આવશે તેવી માહિતી સામે આવી છે.
મંત્રી કુંવરજી બાવળિયા જશે દર્શન કરવા
મુખ્યમંત્રી અને નાયબ મુખ્યમંત્રી પણ દર્શન કરવા જશે
કેન્દ્રીય ગૃહમંત્રી અમિતશાહ પણ તેમના દર્શન કરવા આવશે
સોખડાના હરિપ્રસાદ સ્વામી અક્ષરનિવાસી થયા બાદ તેમના પાર્થિવ દેહના દર્શન કરવા માટે અનેક મહાનુભાવો આવવાના છે. હરિપ્રસાદ સ્વામી પ્રમુખ સ્વામી મહારાજના ગુરુ હતા અને છેલ્લા ઘણા સમયથી તેઓ બિમાર હતા. તેમના સ્વાસ્થ્યને લઈને સતત તેમનું ચેકઅપ કરવામાં આવતું હતું. પરતું એકાએક તેમની તબિયત વધું લથડતા તેમને હોસ્પિટલ ખસેડાયા હતા. જ્યા સારવાર દરમિયાન તેમનું નિધન થયું હતું,
દિલ્હીના મુખ્યમંત્રી કેજરીવાલ દર્શન કરવા આવશે
હરિપ્રસાદ સ્વામીના પાર્થિવ દેહના દર્શન કરવા માટે અનેક મહાનુભાવો આજે આવવાના છે. જેમા આજે સાંજે મંત્રી કુંવરજી બાવળિયા પણ તેમના દર્શન કરવા આવશે. ઉપરાંત આવતીકાલે ગુરુવારના રોજ મંત્રી સૌરભ પટેલ પણ તેમના દર્શન કરવા આવવાના છે. દિલ્હીના મુખ્યમંત્રી અરવિંદ કેજરીવાલ પણ સોખડા તેમના પાર્થિવ દેહના દર્શન કરવા આવશે તેવી માહિતી સામે આવી છે.
મિત્ર પ્રભુદાસ પટેલે અંતિમ દર્શન કર્યા
આજે હરિપ્રસાદ સ્વામીના બાળપણના મિત્ર પ્રભુદાસ પેટેલે તેમના અંતિમ દર્શન કર્યા હતા. જ્યા તેમણે મિત્ર હરિપ્રસાદ સાથેના સંસ્મરણો યાદ કર્યા હતા. જ્યા તેઓ ઘણા ભાવુક થયા અને જૂની યાદો તેમણે તાજા કરી હતી. પ્રભુદાસ પેટેલે ભાવુક થઈને કહ્યું, કે મારા જીવનના તમામ સુખ દુ:ખમાં હરીપ્રસાદ સ્વામીએ સાથ આપ્યો. સાથેજ તેમણે કહ્યું કે મારુ જીવન પણ તેમણે ઉજવળ બનાવ્યું હતું.
મુખ્યમંત્રી અને નાયબ મુખ્યમંત્રી પણ દર્શન કરવા જશે
હરીપ્રસાદ સ્વામીના પાર્થિવ દેહના દર્શન કરવા માટે શુક્રવારે શિક્ષણમંત્રી ભૂપેન્દ્ર સિંહ ચુડાસમાં પણ જવાના છે. તેમજ 31 જુલાઈના રોજ નાયબ મુખ્યમંત્રી નીતિન પટેલ સોખડા જવાના અને 1 ઓગસ્ટના રોજ મુખ્યમંત્રી વિજય રૂપાણી પણ સોખડા જવાના છે. જ્યા તેઓ તેમના પાર્થિવ દેહના દર્શન કરશે.
કેન્દ્રીય ગૃહમંત્રી અમિતશાહ પણ દર્શન કરવા આવશે
ઉલ્લેખનીય છે કે હરીપ્રસાદ સ્વામીનું નિધન થવાને કારણે રાજનેતાઓમાં પણ શોકનો માહોલ ફેરવાઈ ગયો છે. તેમના પાર્થીવ દેહના દર્શન કરવા માટે કેન્દ્રીય ગૃહમંત્રી અમિત શાહ અને રાષ્ટ્રીય અધ્યક્ષ જે.પી નડ્ડા પણ દર્શન કરવા આવશે. તેવી માહિતી સામે આવી છે.