ભાવ ગગડી ગયા / ગુજરાતના આ બે દિગ્ગજ ક્રિકેટરોને થયું કરોડોનું નુકસાન,જાણો એવું શું થયું ?

• પંડ્યા,રહાણે,પૂજારાનો કોન્ટ્રેક્ટમાં ભાવ ગગડ્યો 
• પૂજારા -રહાણે ખરાબ ફોર્મના કારણે C ગ્રેડમાં મુકાયા 
• ફિટનેસ સમસ્યાથી ઝઝૂમતા હાર્દિક પંડ્યા પણ C ગ્રેડમાં 

BCCIના  વાર્ષિક કોન્ટ્રેકટમાં હાલમાં જ ટેસ્ટ ટીમમાંથી બહાર થયેલા ખેલાડીઓને નીચેની પાયરી પર ઉતારી દેવામાં આવ્યા છે. સાથે જ લાંબા સમયથી ફિટનેસની સમસ્યા સામે ઝઝૂમી રહેલા હાર્દિક પંડ્યાને પણ નીચેની પાયરી પર મૂકી દેવાયા છે. 

ભારતીય ક્રિકેટ કંટ્રોલ બોર્ડ ( BCCI)એ ક્રિકેટર્સનાં વાર્ષિક કોન્ટ્રેક્ટને લઈને મહત્વનો નીરાન્ય લીધો છે. લાંબા સમયથી નબળા ફોર્મમાં રહેલા ચેતેશ્વર પૂજારા અજિન્ક્ય રહાણેને વર્ષ 2022 નાં વાર્ષિક કોન્ટ્રેક્ટમાં નીચલી પાયરી પર ઉતારી દેવાયા છે. 
એજન્સીઓના કહેવા પ્રમાણે, અજિન્ક્ય રહાણે અને ચેતેશ્વર પૂજારા ને  ગ્રેડ Aમાંથી Bમાં મૂકી દેવાયા છે વિકેટ કીપર રીદ્ધિમાન સહાને પણ B ગ્રેડ માંથી C ગ્રેડમાં શામેલ કરાયો છે . સાથોસાથ લાંબા સમયથી ઈજાગ્રસ્ત રહેલા હાર્દિક પંડ્યાને પણ A ગ્રેડમાંથી C ગ્રેડમાં મૂકી દેવાયો છે.

ગ્રેડ Aમાં માત્ર ત્રણ ખેલાડીઓનો સમાવેશ કરાયો છે. જેમાં પૂર્વ સુકાની વિરાટ કોહલી, વર્તમાન સુકાની રોહિત શર્મા અને ફાસ્ટ બોલર જસપ્રીત બૂમરાહ શામેલ છે . આ ગ્રેડના ખેલાડીઓને વાર્ષિક 7 કરોડ રૂપિયા મળે છે.ગ્રેસ A ખેલાડીઓને વાર્ષિક 5 કરોડ રૂપિયા મળે છે જેમાં રવિચંદ્ર અશ્વિન,  રવીન્દ્ર જાડેજા, કે.એલ રાહુલ અને ઋષભ પંતને જગ્યા મળી છે.

તો A ગ્રેડમાંથી ઉતારી મૂકી B ગ્રેડમાં મુકાયેલા પૂજારા, રહાણે, સાથે શાર્દુલ ઠાકુર, મોહમ્મદ સિરાજ,અક્ષર પટેલ, અને શ્રેયસ અય્યર શામેલ છે જેઓને આ ગ્રેડમાં વાર્ષિક રૂપિયા 3 કરોડ મળે છે. 

સહાને વિવાદની સજા 

ટીમમાં પસંદગીને લઈને થયેલા વિવાદ બાદ રીદ્ધિમાન સહા ને ગ્રેડ B માંથી ગ્રેસ Cમાં મૂકી દેવાયો છે.સહા પર બોર્ડ, કોન્ટ્રેક્ટ તોડવાના નિયમોની પણ તપાસ કરી રહ્યો છે.સહા પર ટીમ મેનેજમેન્ટ સાથે થયેલી વાત સાર્વજનિક કરાયાનો પણ આરોપ છે, ગ્રેડ Cનાં ખેલાડીઓને વાર્ષિક 1 કરોડ રૂપિયા મળે છે. આ લીસ્ટમાં લાંબા સમયથી ફિટનેસની સમસ્યા સામે ઝઝૂમી રહેલા હાર્દિક પંડ્યાનો પણ સમાવેશ થાય છે.