IPL 2022 / બેટ્સમેનોને ધ્રુજાવી દે છે ભારતના આ બે ઘાતક બોલર્સ, હવે ટીમ ઈન્ડિયામાં એન્ટ્રી પાક્કી

• IPL દુનિયાની સૌથી મોટી ક્રિકેટ લીગ 
• સાઉથ આફ્રિકા વિરુદ્ધ 5 મેચની ટી20 સીરીઝ છે IPL બાદ 
• આ સીરીઝમાં IPLનાં બે શાનદાર બોલર્સને મળી શકે ચી રમવાનો ચાન્સ 

IPL દુનિયાની સૌથી મોટી ક્રિકેટ લીગ 

IPL દુનિયાની સૌથી મોટી ક્રિકેટ લીગ છે. આ લીગમાં દુનિયાનો દરેક ખેલાડી રમવા માટે ઉત્સુક રહે છે. જ્યારે આ ક્રિકેટ લીગથી દુનિયાને મોટા મોટા દિગ્ગજ ખેલાડીઓ મળ્યા છે. આવું જ કંઈક આઈપીએલની 15મી સિઝનમાં જોવા મળ્યું છે. આ સીઝનનાં પત્યા બાદ ઘણા ખેલાડીઓ ટીમ ઇન્ડિયા માટે ધમાલ મચાવતા જોવા મળી શકે છે. ખાસકરીને બે બોલર્સ તો એવા છે, જે આગામી સાઉથ આફ્રિકા સીરીઝમાં ટીમ ઇન્ડિયા માટે ડેબ્યૂ કરતા જોવા મળી શકે છે. 

ટીમ ઇન્ડિયામાં એન્ટ્રી કરી શકે છે આ બે બોલર્સ 

1. અર્શદીપ સિંહ 

પંજાબ કિંગ્સ માટે સતત ઘણા વર્ષોથી આઈપીએલમાં ધમાલ મચાવી રહેલા અર્શદીપ સિંહ માટે હવે એ સમય આવી ગયો છે કે તેઓ ટીમ ઇન્ડિયા માટે ડેબ્યૂ કરે. ખાસકરીને આવનારી સાઉથ આફ્રિકા સીરીઝમાં તેમને જોઈ શકાય છે. અર્શદીપ IPL 2022નાં બેસ્ટ ડેથ બોલર્સમાંના એક બનીને સામે આવ્યા છે. આ બોલરનો તોડ શોધવો કોઈપણ બેટ્સમેન માટે અત્યાર સુધી સરળ જોવામાં આવ્યું નથી. IPL 2021માં અર્શદીપ પંજાબ માટે બેસ્ટ બોલર રહ્યા હતા. આવામાં કેપ્ટન રોહિત શર્મા આ ખેલાડીને એક મોકો આપી શકે છે. ડેથ ઓવરોમાં તેમની રન બચાવવાની ક્ષમતાને ધ્યાનમાં રાખતા, એ અનુમાન લગાવી શકાય છે કે તેઓ જલ્દી જ ટીમ ઇન્ડિયા તરફથી રમતા જોવા મળી શકે છે. 23 વર્ષના આ બોલરે IPL 2019માં ડેબ્યૂ કર્યું હતું. 

2. ઉમરાન મલિક 

​​​​​​​
IPL 2022માં જો કોઈ બોલરે આખી દુનિયાનું ધ્યાન ખેંચ્યું હોય તો એ છે ઉમરાન મલિક. ઉમરાન હાલના સમયમાં ભારત અને આખી દુનિયાના સૌથી ફાસ્ટ બોલર્સમાંના એક છે. આ યુવા બોલર પાસે સતત 150ની સ્પીડથી બોલિંગ કરવાની શાનદાર કળા છે. બુધવારે સનરાઈઝર્સ હૈદરાબાદ માટે રમતા ઉમરાને ગુજરાત ટાઈટન્સ વિરુદ્ધ 5 વિકેટ મેળવી. તેમણે પોતાની ચાર ઓવરનાં કોટામાં 25 રન આપીને પાંચ વિકેટ લીધી. આ જ કારણે તેમને મેં ઓફ ધ મેચનો એવોર્ડ આપવામાં આવ્યો હતો. ઉમરાન જેવા ખેલાડીઓની ટીમ ઇન્ડિયા લાંબા સમયથી તપાસ કરી રહી હતી કેમકે ટીમ પાસે વર્ષોથી એવો કોઈ બોલર નથી, જે આટલી સ્પીડમાં બોલિંગ કરી શકે. 

ઉમરાન માલિકે અત્યાર સુધીમાં 8 મેચમાં 15 વિકેટ લીધી હતી. ઉમરાન પાસે સ્વિંગ, ઉછાળ અને ગતિ ત્રણેય છે, જેથી તેઓ સામેના બેટ્સમેન માટે કાળ બની ગયા છે.આ બોલર હવે પર્પલ કેપની લિસ્ટમાં પણ સામેલ થઇ ચુક્યા છે. ઉમરાન મલિકે IPL 2021માં પણ સૌથી ફાટસ બોલ નાંખ્યો હતો. તેમણે 155+ ની સ્પીડથી બોલ નાંખ્યો હતો. IPL બાદ ટીમ ઇન્ડિયાએ સાઉથ આફ્રિકા વિરુદ્ધ 5 મેચની ટી20 સીરીઝ રમવાની છે, જેમાં ઉમરન મલિકને ચાન્સ મળી શકે છે.