તમામ ઋતુની સરખામણીએ શિયાળો સૌથી સારી ઋતુ. શાકભાજીથી લઇને ફ્રૂટ તથા શિયાળુ પાક તમામ આ ઋતુમાં ખાવાની મજા પડી જાય છે. પરંતુ આજ ઋતુમાં સૌથી વધારે શરીરની સારસંભાળ કરવાની જરૂર પડે છે, ઠંડીમાં તાવ-શરદીના થાય તથા સ્કિન ડ્રાય ના થાય તે માટે વધારે ધ્યાન રાખવુ પડે છે.
ઠંડીની ઋતુમાં જો તમે ઘરે બનાવેલો ફેસપેક વાપરશો તો તમારી સ્કિન સારી તો થશે જ સાથે જ ચમક પણ વધશે. શિયાળાની શરૂઆત થઇ ગઇ છે, એવામાં અમે તમને 2 એવા ફેસપેક જણાવીશુ તેનાથી તમારી સ્કિનને ખૂબ જ મદદ મળશે.
ટામેટા અને લીંબુનો ફેસપેક
- જો તમે શિયાળામાં સ્કિનને હેલ્ધી રાખવા માંગો છો તો ટામેટાં અને લીંબુનો ફેસપેકનો ઉપયોગ કરી શકો છો. જે તમારી સ્કિનને ફેર રાખશે અને ઠંડીની અસરથી બચાવવામાં મદદ કરશે.
કેવી રીતે બનાવશો
- જ્યૂસરની મદદથી એક ટામેટાનો રસ કાઢી લો, હવે આ રસને બાઉલમાં લઇ તેમાં લીંબુના રસના 4-5 ટીપા ઉમેરો. આ મિશ્રણને સારી રીતે મિક્સ કરી લો.
આ રીતે કરો ઉપયોગ
- આ ફેસપેકને ચહેરા પર લગાવી દો. ચહેરા પર લગાવ્યા પછી લગભગ 5 મિનિટ સુધી હળવા હાથે મસાજ કરો અને 15 મિનિટ સુધી રહેવા દો અને સાદા પાણીથી ધોઇ લો. આ એક એવુ ફેસપેક છે જે સ્કિનના છિદ્રોને ટાઇટ કરવામાં મદદ કરે છે અને સ્કિનને સારી બનાવે છે
ટામેટા અને ખાંડનું ફેસપેક
ટામેટાનો ઉપયોગ સ્કિનને સુંદર બનાવવા માટે કરવામાં આવે છે. ટામેટામાં રહેલા સારા તત્વોથી ચહેરા પર મસ્ત ગ્લો આવે છે. ટામેટાની સાથે ખાંડ મિક્સ કરીને ફેસ પેક બનાવવામાં આવે તો તે સ્કિનને એક્સફોલિએટ કરે છે. આ સાથે પીએચ લેવલ બનાવી રાખે છે.
કેવી રીતે બનાવશો
- ટામેટાને હાથથી મસળી લો અને તેની છાલ કાઢી લો. હવે તેમાં અડધી ચમચી જેટલી ખાંડ ઉમેરીને સારી રીતે મિક્સ કરી લો.
આ રીતે કરો ઉપયોગ
ચહેરા પર આ ફેસ પેકને લગાવીને 10 મિનિટ માટે લગાવી રાખો. ત્યારપછી હળવા હાથે મસાજ કરો. મસાજ કર્યા પછી ચહેરાને ઠંડા પાણીથી સાફ કરી લો. અઠવાડિયામાં 2 વખત આ ફેસ પેકનો ઉપયોગ કરવાથી સારું પરિણામ જોવા મળશે.