મુસાફરી કરતાં પહેલા પી લો ડુંગળીનો રસ ક્યારેય પણ નહીં થાય ઉલ્ટી

કેટલાક લોકોને મુસાફરી દરમિયાન ઉલ્ટી અને માથાના દુખાવાની સમસ્યા મોટાભાગે રહેતી હોય છે. એમ તો એવા લોકો સામાન્ય રહે છે પરંતુ કારમાં બેસતાની સાથે જ એમને ઉબકા આવવા લાગે છે અને ઉલ્ટી થવા લાગે છે. કેટલાક લોકોને આ સમસ્યા પહાડમાં મુસાફરી દરમિયાન ખૂબ જ થાય છે. જેનાથી એમની યાત્રા શરૂ થતા પહેલા જ બગડી જાય છે. 

મુસાફરીમાં થતી ઉલ્ટીઓથી બચવા માટે સફરમાં જવાના અડધો કલાક પહેલા 1 ચમચી ડુંગળીના રસમાં 1 ચમચી આદુના રસને મિક્સ કરી લો. એનાથી તમને મુસાફરી દરમિયાન ઉલ્ટી થશે નહીં. પરંતુ જો મુસાફરી લાંબી હોય તો આ રસ સાથે બનાવીને પણ રાખી શકો છો. 

Watch video!

લવિંગ
મુસાફરી દરમિયાન જેવું તમને લાગે કે ઉબકા આવે છે તો તમારા મોઢામાં લવિંગ મૂકી દેવું જોઇએ. આવું કરવાથી તમને ઉબકા આવવાનું બંધ થઇ જશે. 

એન્ટિમેટિક ગુણ વાળુ આદુ
આદુમાં એન્ટિમેટિક ગુણ હોય છે. એન્ટીમેટિક એક એવો પદાર્થ છે જે ઉલ્ટી અને ચક્કર આવતા બચાવે છે. મુસાફરી દરમિયાન ઉબકા આવવા પર આદુની ગોળીઓ અથવા આદુની ચા નું સેવન કરો. એનાથી તમને ઉલ્ટી થશે નહીં. જો શક્ય હોય તો આદુ તમારી સાથે રાખો. 

ખૂબ જ મદદરૂપ ફુદીનો
ફુદીનો તમારી માંસપેશીઓને આરામ આપે છે. ફુદીનાનું તેલ પણ ઉલ્ટીઓને રોકવામાં ખૂબ મદદગાર થાય છે. એના માટે રૂમાલ પર ફુદીના તેલના કેટલાક ટીપા છાંટો અને મુસાફરી દરમિયાન એને સૂંઘતા રહો. સૂકા પત્તાને ગરમ પાણીમાં મિક્સ કરીને પોતાના માટે ફુદીનાની ચા બનાવો. આ મિશ્રણને બરોબર મિક્સ કરો અને એમાં 1 ચમચી મધ મિક્સ કરો. 

લીંબૂનો કમાલ 
લીંબૂ એક અસરકારક દવા છે. એમાં રહેલું સિટ્રિક એસિડ ઉલ્ટી અને ઉબકા જેવી સમસ્યા રોકે છે. એક નાના કપમાં ગરમ પાણી લો અને એમાં 1 લીંબૂનો રસ તથા થોડું મીઠું મિક્સ કરો. એને બરોબર મિક્સ કરીને પીવો તમે લીંબૂના રસને ગરમ પાણીમાં મિક્સ કરીને તથા મધ નાંખીને પી શકો છો.