આ 3 સુપરફૂડ્સને ડાયેટમાં સામેલ કરવાથી ચહેરા પર વધતી ઉંમરની અસરને અટકાવી શકાય છે. જાણો ક્યા ક્યા છે આ ફૂડ્સ.
ખરાબ લાઈફસ્ટાઈલને કારણે વધતી ઉંમરની સ્કીન પર જલ્દી જોવા મળે છે અસર
પ્રોપર ડાયેટથી વધતી ઉંમરની અસર અટકાવી શકાય છે
વિટામિન સી છે સ્કીન માટે ફાયદાકારક
દરેક માણસ ઈચ્છે છે કે તે હંમેશા યુવાન અને સુંદર જ દેખાય. ખાસકરીને મહિલાઓમાં આ ઈચ્છા વધારે જોવા મળે છે. એટલા માટે તે જાતજાતની મોંઘી પ્રોડક્ટ્સનો પણ ઉપયોગ કરે છે, પરંતુ કહેવાય છે ને કે સુંદરતા તો અંદરથી આવે છે. આનો અર્થ સ્પષ્ટ રીતે તમારી લાઈફસ્ટાઈલ અને ડાયેટથી છે. હેલ્થ એક્સ્પર્ટ્સનું માનવું છે કે જે પ્રકારનું તમારું દાયેલ હશે, એ પ્રકારની જ ઈફેક્ટ તમારા ચહેરા પર જોવા મળશે. આવો જોઈએ ક્યા ક્યા એવા ફૂડ્સ છે, જે તમારી સ્કીનને યંગ અને ગ્લોઇન્ગ બનાવી રાખવામાં મદદ કરે છે.
ચહેરા પર વધતી ઉંમરની અસરને અટકાવે છે આ ત્રણ ફૂડ્સ
વધતી ઉંમરે યુવાન દેખાવા માટે તમારે પોતાના ડાયેટમાં ન્યુટ્રીઅન્ટ્સ જરૂર સામેલ કરવા જોઈએ. અહી જણાવવામાં આવેલ 3 ફૂડ્સ તમારે આખું વર્ષ પોતાના ડાયેટમાં સામેલ કરવા પડશે. આ ન માત્ર તમારી સ્કીન માટે સારા છે, પરંતુ વાળ અને હેલ્થ માટે પણ ફાયદાકારક છે.
1. લીંબુ
સવાર સવારમાં પાણી કે સ્પ્રાઉટ્સમાં અડધા લીંબુનો રસ લઈ શકો છો. તમે ઈચ્છો, તો આખા દિવસમાં લેવાતા સલાડ સાથે પણ લીંબુ લઇ શકો છો. લીંબુમાં ભરપૂર માત્રામાં વિટામિન સી હોય છે, જે સ્કીન માટે ફાયદાકારક છે. તેના સેવનથી ચહેરા પર રહેલા ડાઘ પણ દૂર થાય છે.
2. અખરોટ
અખરોટમાં પણ ભરપૂર માત્રામાં પોષકતત્વો હોય છે, આ જ કારણ છે કે તેને સ્કીન માટેનું સુપરફૂડ માનવામાં આવે છે. અખરોટ તમારા શરીર માટે સૌથી જરૂરી ઓમેગા-3 ફેટ આપે છે. આ ફેટ સ્કીન સેલ્સનાં પટલને મજબૂત કરે છે અને વિષયુક્ત પદાર્થોને બહાર કાઢીને સ્કીનને સોફ્ટ બનાવે છે. આ સાથે જ સ્કીનને ગ્લોઇન્ગ બનાવવામાં પણ અખરોટ ઉપયોગી છે.
3. શક્કરિયા
અખરોટ સિવાય તમે શક્કરિયાનું પણ સેવન કરી શકો છો. આ સુપરફૂડમાં બીટા-કેરોટીન હોય છે, જે આપણા વાળ, સ્કીન અને નખને પોષણ આપવાનું કામ કરે છે. આ સાથે જ તેમાં ઓમેગા -3 ફેટી એસીડ, વિટામિન એ,બી,સી,ડી,એ અને કે હાજર હોય છે, જે આપણી હેલ્થ માટે પણ ફાયદાકારક છે. આપણા શરીરમાં હાજર ફ્રી રેડિકલ્સ આપણને વૃદ્ધ બનાવે છે, પરંતુ તમે શક્કરિયાનું સેવન કરો છો, તો તેમાં રહેલ એન્ટીઓક્સીડન્ટ આ અટકાવે છે.