રોજ આ ત્રણ અલગ અલગ પ્રકારના લેમન ડ્રિંક્સ લેવાથી કિડનીની બીમારીઓથી બચી શકાય છે.
કિડની શરીરની ગંદકીને સાફ કરે છે
કિડની માટે ફાયદાકારક છે લીંબુ
રોજ 2 લીંબુનો રસ લેવો સ્વાસ્થ્ય માટે ફાયદાકારક
કિડની લોહી સાફ કરવા અને શરીરમાંથી ટોક્સિન્સ બહાર કાઢવા માટે કામ કરે છે. પરંતુ ઘણી વાર આ જ ટોક્સિન્સ કિડનીને ડેમેજ કરે છે અને કિડની ફેલ થઇ જાય છે. પરંતુ રોજ આ ડ્રિંક લઈને તમે આ અત્યંત ખાસ અંગને સાફ કરી શકો છો અને ડેમેજ થતા બચાવી શકો છો.
શરીરમાં કિડનીનું શું છે મહત્વ?
કિડનીનું કામ શરીરની ગંદકી અને પ્રવાહી પદાર્થોને યૂરીનનાં માધ્યમથી બોડીની બહાર કાઢવાનું છે. આ ઉપરાંત, કિડની માનવ શરીરમાં સોલ્ટ, પોટેશિયમ તથા એસીડની માત્રાને પણ કંટ્રોલ કરે છે. સાથે કિડનીમાંથી એવા હોર્મોન પણ નીકળે છે, જે આપણા શરીરનાં અન્ય અંગોને કાર્ય કરવામાં મદદરૂપ બને છે.
કિડની માટે ફાયદાકારક છે લીંબુ
હાર્વર્ડનાં એક રિપોર્ટ અનુસાર, રોજ બે લીંબુનો રસ લેવાથી યૂરીન સાઈટ્રેટ વધી જાય છે અને કિડનીમાંથી ટોક્સિન્સ નીકળી જાય છે. જ્યારે જે લોકો રોજ 2 થી 2.5 લીટર પેશાબ કરે છે, તેમને કિડની સ્ટોનનું જોખમ ઓછું રહે છે. કિડનીને હેલ્ધી બનાવનાર આ ડ્રિંક તમે સવારનાં સમયે અને બપોરે પણ લઇ શકો છો.
કિડનીને સાફ કરનાર લેમન ડ્રિંક્સ
1. ફૂદીનાનું લીંબુ પાણી
એક ગ્લાસ પાણીમાં લીંબુનો રસ, ફૂદીનાનાં પત્તા અને થોડી ખાંડ લઈને સારી રીતે મિક્સ કરો અને પછી કિડની માટે હેલ્ધી ડ્રિંક તૈયાર થઇ જશે.
2. મસાલા લેમન સોડા
એક ગ્લાસમાં લીંબુનો રસ, જીરું, અજમાનો ભુક્કો, ચાટ મસાલો અને સોદા લઇ સારી રીતે મિક્સ કરો. આ પ્રકારે કિડની માટે હેલ્ધી ડ્રિંક તૈયાર થઇ જશે.
3. કોકોનટ શિકંજી
આ હેલ્ધી ડ્રિંકને બનાવવા માટે એક ગ્લાસમાં નારીયળ પાણી લો. હવે તેમાં લીંબુનો રસ નાંખીને પી લો.