આપને એક વાત જાણીને નવાઇ લાગશે કે દેશના 3 સમૂહ પાસે જેટલી દોલત છે તેનાથી ખૂબ જ ઓછું દેશ ચલાવવા માટે સરકારનું બજેટ હોય છે. આ વાત ખરેખર સાચી છે.
દેશના બજેટ કરતા પણ વધુ સંપત્તિ ધરાવે છે ભારતની 3 કંપનીઓ
TCS ટાટા, HDFC તથા રિલાયન્સની મિલકતનો થયો ખુલાસો
ટાટા છે સૌથી મોટું ગ્રુપ
દેશની 3 કંપનીઓ TCS ટાટા, HDFC તથા રિલાયન્સના માર્કેટ કેપ 32 લાખ કરોડ રૂપિયાથી વધુ છે જ્યારે દેશનું બજેટ 31 લાખ કરોડ રૂપિયા પણ નથી.આ તુલના નાણકીય વર્ષ 2020-21ના બજેટથી કરવામાં આવી રહી છે. કોરોના કાળમાં ત્રણેય સમૂહને ખૂબ ફાયદો થયો છે.
દેશના બજેટથી વધુ છે સમૂહ પાસે દોલત
દેશની 3 કંપનીઓની મિલકત કેન્દ્ર સરકારના બજેટથી વધુ છે. ભારતની 3 કંપનીઓની બજાર મૂડી 32 લાખ કરોડ રૂપિયા છે. જ્યારે નાણાકીય વર્ષ 2020-21માં કેન્દ્ર સરકારના ખર્ચનું બજેટ અનુમાન 30.42 લાખ કરોડ રૂપિયા છે. માર્કેટ કેપિટલાઇઝેશન એટલે કે બજાર મૂડીના મામલે રિલાયન્સ ઇન્ડસ્ટ્રી, ટાટા કન્સલ્ટન્સી એટલે કે TCS અને HDFC ક્રમશ: પહેલા, બીજા અને ત્રીજા નંબર પર છે.
કઈ કંપની પાસે છે કે કેટલી મિલકત?
રિલાયન્સ ઇન્ડસ્ટ્રીની વાત કરીએ તેનું માર્કેટ કેપ 12.28 લાખ કરોડ રૂપિયા છે. જ્યારે ટીસીએસની માર્કેટ કેપ 12.13 લાખ કરોડ રૂપિયા જ્યારે HDFC બેંકની બજાર પૂંજી 8.7 લાખ કરોડ રૂપિયા છે.
ટાટા છે સૌથી મોટું ગ્રુપ
જો કંપની સમૂહની વાત કરવામાં આવે તો ભારતના અગ્રણી કંપની સમૂહ ટાટા માર્કેટ કેપ આશરે 17 લાખ કરોડ છે. તો એચડીએફસીની માર્કેટ કેપ 15 લાખ કરોડ આંકવામાં આવે છે.
શું કહે છે જાણકારો
કેડિયા એડવાઇઝરીના ડાયરેક્ટર અજય કેડિયાએ જણાવ્યું હતું કે, ટાટા જૂથનું પ્રદર્શન ગત વર્ષથી આકર્ષક છે. જૂથની બજાર મૂડીમાં વીતેલા એક વર્ષમાં 42 ટકાનો વધારો નોંધાયો છે. 2021માં ટાટાના શેરના ભાવમાં પણ વધુ તેજી યથાવત રહેશે.