ધર્મ / આજે મોક્ષદા એકાદશીના દિવસે ભૂલથી પણ ન કરતા આ કાર્ય, નહીંતર જીવનભર પસ્તાશો!

મોક્ષદા એકાદશીને પાપમાંથી મુક્તિ આપનારી એકાદશી કહેવાય છે. આ દિવસે ભગવાન વિષ્ણુની પૂજા અને વ્રતનું વિશેષ મહત્ત્વ છે, જે વ્યક્તિ આજના દિવસે ઉપવાસ કરે છે તે મોક્ષના માર્ગને પ્રાપ્ત કરે છે તેવી માન્યતા છે, ત્યારે આ દિવસે વ્રત અને પિતૃઓની ખાસ પૂજા કરવી જોઈએ.

મોક્ષદા એકાદશી પર શું કરવું

• આ દિવસે ભગવાન વિષ્ણુ અને શ્રી કૃષ્ણની પૂજા કરો. પૂજામાં તુલસીના પાન, પીળા ફૂલ, દીવો, ધૂપ અને નૈવેદ્ય અર્પણ કરો. વિષ્ણુ સહસ્ત્રનામનો પાઠ કરો.
• આજના દિવસે નિર્જળા વ્રત રાખો. જો નિર્જળા વ્રત ના રાખી શકતા હોવ તો ફળ ખાઓ એવું કહેવાય છે કે આજના દિવસે વ્રત રાખવાથી જીવનના પાપોનો નાશ થાય છે.
• આજના દિવસે શ્રી કૃષ્ણએ અર્જુનને ગીતાનો ઉપદેશ આપ્યો હતો આથી આ દિવસે ગીતાનો પાઠ કરવો ખૂબ જ શુભ માનવામાં આવે છે. ગીતાના ઉપદેશોને જીવનમાં ઉતારવાની પ્રતિજ્ઞા લો.
• આ દિવસે ગરીબો અને જરૂરિયાતમંદોને ભોજન, કપડાં અને પૈસાનું દાન કરો. ગાયનું દાન વિશેષ ફળદાયી માનવામાં આવે છે.
• સાચું અને સંતુલિત જીવન જીવવાનો પ્રયાસ કરો. મન, વાણી અને કાર્યોમાં પવિત્રતા જાળવો.

વધુ વાંચો: મોક્ષદા એકાદશીના પાવન દિવસ પર સર્જાશે 5 દુર્લભ યોગ, જે આ 3 રાશિના જાતકોની મનોકામના પૂર્ણ કરશે

મોક્ષદા એકાદશી પર શું ન કરવું

• અનાજ અને તામસિક ખોરાક ન ખાવો. આ દિવસે ચોખા, દાળ, બિન શાકાહારી ખોરાક અને નશીલા દ્રવ્યોનું સેવન ન કરો.
• જૂઠું બોલવું અને કોઈનું અપમાન કરવાથી આ દિવસે ઉપવાસનું ફળ મળતું નથી. કઠોર શબ્દો અને અપમાનજનક શબ્દોનો ઉપયોગ ના કરો.
• આ દિવસે ગુસ્સો કરવો અને ઘમંડ કરવો અયોગ્ય માનવામાં આવે છે માટે શાંત અને નમ્ર સ્વભાવ રાખો આબે દરેક સાથે મૈત્રીપૂર્ણ વ્યવહાર કરો.
• ભક્તિ અને ઉપાસનાને અધૂરી ના મૂકો, ઉપવાસ દરમિયાન આળસ ન કરો અને સંપૂર્ણ ભક્તિ સાથે તેનું પાલન કરો.
• જરૂરિયાતમંદોને મદદ કરવામાં અચકાવું નહીં. આ દિવસે બીજાની મદદ ન કરવી અથવા તેમની જરૂરિયાતોને અવગણવી એ અશુભ માનવામાં આવે છે. સેવા અને દાનને પ્રાધાન્ય આપો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ