Health Tips / Dehydrationના કારણે સ્કીન પર જોવા મળે છે આવા લક્ષણો, ચેતી જજો નહીં તો થઈ શકે ગંભીર નુકસાન

• પાણીની ઉણપથી થાય છે અનેક રોગ 
• ચહેરા પર જોવા મળે છે આવા લક્ષણો 
• જણાય તો ન કરતા નજરઅંદાજ 

શરીરમાં પાણીની ઉણપથી અનેક રોગો થાય છે. ત્યાં જ જો પાણીની અછત હોય તો તમને થાક, ચક્કર, મોઢુ સુકાવવું જેવા લક્ષણો દેખાઈ શકે છે. પરંતુ શરીરમાં પાણીની ઉણપની અસર વાળ અને ત્વચા પર પણ જોવા મળે છે. 

પાણીના અભાવે ત્વચા શુષ્ક અને નિર્જીવ બની શકે છે. આ સિવાય કરચલીઓ પણ દેખાવા લાગે છે. પરંતુ અહીં અમે તમને એવા જ કેટલાક લક્ષણો વિશે જણાવીશું જે પાણીની કમીના કારણે ચહેરા પર દેખાવા લાગે છે, જેને ભૂલથી પણ તમારે અવગણવા ન જોઈએ.

પાણીની કમીના કારણે ચહેરા પર દેખાય છે આ લક્ષણો 
શુષ્ક ત્વચા
ઘણા લોકોની ત્વચા પાણીની ઉણપને કારણે શુષ્ક થવા લાગે છે. જ્યારે શરીરમાં પાણીની ઉણપ હોય છે, ત્યારે આપણી ત્વચા ડિહાઈડ્રેટ થઈ જાય છે. જેના કારણે તે વધુ શુષ્ક થવા લાગે છે. તેથી જો તમારી ત્વચા શુષ્ક છે તો તેને અવગણશો નહીં.

હોઠની સ્કીન ડ્રાય થવી
હોઠ પર ખંજવાળ એ પણ ડિહાઇડ્રેટેડ ત્વચાનું લક્ષણ છે. તમને જણાવી દઈએ કે શરીરમાં પાણીની ઉણપને કારણે હોઠ પર પોપડી એટલે કે મૃત ત્વચાના કોષો જામી જવા લાગે છે. આટલું જ નહીં શરીરમાં પાણીની ઉણપને કારણે તમારા હોઠ પણ ફાટવા લાગે છે.

સ્કીનમાં ખંજવાડ
ત્વચાને સ્વસ્થ રાખવા માટે પૂરતું પાણી પીવું ખૂબ જ જરૂરી છે. પાણીની અછતને કારણે, તમે ત્વચા પર ખંજવાળ અને લાલાશ જેવા લક્ષણો દેખાઈ શકે છે. તેની સાથે તમારી ત્વચા પર ફોલ્લીઓ અને ખંજવાળની ​​સમસ્યા પણ થઈ શકે છે.

કરચલીઓ થવી
ઉંમર વધવાની સાથે ચહેરા પર, હાથ પર કરચલીઓ પડવા લાગે છે કે ત્વચા સંકોચાય છે. પરંતુ જો તમારા ચહેરા પર પણ કરચલીઓ દેખાતી હોય તો તેને ભૂલથી પણ અવગણશો નહીં, તે પાણીની ઉણપનું લક્ષણ પણ હોઈ શકે છે.