સોશ્યલ લાઇફ / સોશ્યલ મીડિયા પર કયા સ્ટાર્સનું ‘ડેબ્યુ’ ક્યારેય ન થયું?

સંજય લીલા ભણસાલી
હિન્દી ફિલ્મ ઇન્ડસ્ટ્રીના જાણીતા ફિલ્મ મેકર સંજય લીલા ભણસાલી ટ્વિટર અને ઇન્સ્ટાગ્રામ પર હાજર નથી. તેમને દરેક સમયે લાઇમલાઇટમાં રહેવું ગમતુ નથી. તેઓ બસ પોતાના કામમાં વ્યસ્ત રહેવાનું પસંદ કરે છે.

રણબીર કપુર
રણબીર કપુર પાસે ફેન્સની કોઇ કમી નથી, પરંતુ તેને પોતાની પ્રાઇવસી ખુબ ગમે છે. તેણે કોઇ પણ સોશિયલ મિડિયા વેબસાઇટ પર એકાઉન્ટ બનાવ્યુ નથી. અન્ય સ્ટારની જેમ તેનો કોઇ પ્રચારક કે પબ્લિસિસ્ટ પણ નથી. તેઓ માને છે કે તેનુ કામ જ તેની પબ્લિસિટી માટે કાફી છે. થોડા સમય પહેલા તે એક બ્રાન્ડના પ્રચાર માટે ટ્વીટર પર આવ્યો હતો. તેની ગર્લફ્રેન્ડ આલિયા સાથે તેના ફોટા વાઇરલ થતા રહે છે અને તેના માતા પિતા નીતુ અને ઋષિ પણ તેમના એકાઉન્ટમાંથી ક્યારેક પરિવારનો ફોટો શેર કરતા રહે છે.

સૈફ અલી ખાન
સૈફ અલી ખાન પોતાની પ્રાઇવેટ લાઇફને લઇને ખુબ જ સતર્ક રહે છે. કદાચ એજ કારણ છે કે તે સોશિયલ મિડિયાથી દુર છે. સૈફ અલી ખાન કે કરીના બંને સોશિયલ મિડિયાથી દુર છે. પરંતુ જ્યારથી તૈમુર જન્મ્યો ત્યારથી તેમની સાથે સાથે તે પણ હંમેશા ફોટોગ્રાફર્સના નિશાન પર રહે છે. તૈમુરની દરેક તસવીર સોશિયલ મિડિયા પર વાઇરલ થઇ જાય છે.

કરિના કપુર
કરિના પતિ સૈફની જેમ જ સોશિયલ મિડિયા પર હાજર નથી. તેની બહેન કરિશ્મા કપુર અને તેની બહેનપણીઓ મલાઇકા અરોરા અને અમૃતા અરોરા સોશિયલ મિડિયા પર ખુબ એક્ટિવ રહે છે. કરીનાનું એક સિક્રેટ ઇન્સ્ટાગ્રામ એકાઉન્ટ છે. આ એકાઉન્ટ્સથી તે હોલિવુડ સુંદરી કાઇલી જેનરના અપડેટ્સ પર નજર રાખે છે અને તેના ફોટો પણ લાઇક કરે છે.

રાની મુખર્જી
રાની મુખર્જીના પતિ આદિત્ય ચોપરાની પર્સનલ લાઇફ કોઇ રહસ્યથી ઉતરતી નથી. ઓનલાઇન પણ તેઓ લોકોની નજરથી દુર રહેવાનું જ પસંદ કરે છે. આ બાબતમાં તો રાની પણ તેમના જેવી જ છે. તે સોશિયલ મિડિયાથી દુર રહેવાનું પસંદ કરે છે. પોતાની પ્રોફેશનલ અને પર્સનલ લાઇફ વચ્ચે અંતર રાખવું તે ખુબ જરુરી માને છે.