નવા વર્ષની શરૂઆત ઘણા ફેરફારો સાથે થઈ રહી છે. બેંક લોકર, ક્રેડિટ કાર્ડ અને મોબાઈલ સાથે જોડાયેલા ઘણા નિયમોમાં ફેરફાર થશે.ગેસ સિલિન્ડર અને વાહનોના ભાવમાં પણ વધારો થઈ શકે છે.
1 જાન્યુઆરી, 2023થી થશે બદલાવ
વાહનો અને સર્વિસ થશે મોંઘી
બેન્કના નિયમોમાં ફેરફાર થશે
થોડા દિવસો પછી નવું વર્ષ શરૂ થવા જઈ રહ્યું છે અને નવા વર્ષની શરૂઆત ઘણા ફેરફારો સાથે થઈ રહી છે. બેંક લોકર, ક્રેડિટ કાર્ડ અને મોબાઈલ સાથે જોડાયેલા ઘણા નિયમોમાં ફેરફાર થશે. આ સાથે ગેસ સિલિન્ડર અને વાહનોના ભાવમાં પણ વધારો થઈ શકે છે. આ તમામ ફેરફારો તમારા ખિસ્સા પર સીધી અસર કરશે. ચાલો જાણીએ કે 1 જાન્યુઆરી, 2023થી કયા ફેરફારો થવા જઈ રહ્યા છે.
વાહનો મોંઘા થશે
નવા વર્ષથી વાહનોના દરમાં વધારો થશે. મારુતિ સુઝુકી, હ્યુન્ડાઈ મોટર, ટાટા મોટર્સ, મર્સિડીઝ-બેન્ઝ, ઓડી, રેનો, કિયા ઈન્ડિયા અને MG મોટર 1 જાન્યુઆરી, 2023 થી વાહનોના ભાવમાં વધારો કરશે.
બેંક લોકરના નિયમોમાં ફેરફાર થશે
આ સિવાય 1 જાન્યુઆરીથી રિઝર્વ બેંક તમામ લોકર ધારકોને એગ્રીમેન્ટ જારી કરશે અને જેના પર ગ્રાહકોએ સહી કરવી પડશે. આરબીઆઈના નવા નિયમો અનુસાર, બેંકો નક્કી કરશે કે તેમના લોકર કરારમાં કોઈ અયોગ્ય શરત અને શરતો છે કે નહીં.
ક્રેડિટ કાર્ડ સંબંધિત નિયમોમાં ફેરફાર થશે
આ સિવાય ક્રેડિટ કાર્ડ સંબંધિત નિયમોમાં પણ ફેરફાર થશે. HDFC બેંક રિફંડ પોઈન્ટ અને ફીમાં પણ ફેરફાર કરવા જઈ રહી છે. આ સિવાય SBIએ કેટલાક કાર્ડના નિયમોમાં પણ ફેરફાર કરવાનો નિર્ણય લીધો છે.
ગેસ સિલિન્ડરના ભાવમાં ફેરફાર થશે,
આ સિવાય દર મહિનાની પહેલી તારીખે ગેસ સિલિન્ડરની કિંમતોની સમીક્ષા કરવામાં આવે છે. સરકારી તેલ કંપનીઓ દર મહિનાની પહેલી તારીખે ગેસ સિલિન્ડરના ભાવમાં ઘટાડો અથવા વધારો કરે છે.
GST ના નિયમોમાં થશે ફેરફાર
1 જાન્યુઆરીથી GSTના નિયમોમાં પણ ફેરફાર થશે. 5 કરોડથી વધુનું વાર્ષિક ટર્નઓવર ધરાવતા ઉદ્યોગપતિઓ માટે હવે ઈ-ઈનવોઈસ જનરેટ કરવું જરૂરી બનશે.
મોબાઈલના નિયમોમાં ફેરફાર થશે,
આ સિવાય 1લી તારીખથી દરેક ફોન ઉત્પાદક અને તેની આયાત અને નિકાસ કંપની માટે દરેક ફોનના IMEI નંબરનું રજીસ્ટ્રેશન જરૂરી બનશે.