દેશભરમાં આજથી અનલૉક 1 લાગૂ થયું છે ત્યારે ગૅસ સિલિન્ડરના ભાવમાં ફેરફાર, રેલ્વે, રાશનકાર્ડ અને ફ્લાઈટ્સ સાથેના ફેરફાર સામેલ છે. તેમાં અનેક ચીજો તમારા માટે આજથી શરૂ થઈ રહી છે તો અનેક ચીજોમાં ભાવમાં વધારો પણ થઈ રહ્યો છે. જાણી લો ફેરફારની તમારા ખિસ્સા પર કેવી થશે અસર.
અનલૉક 1માં આજથી બદલાયા આ નિયમો
રેલ્વે, ગૅસ સિલિન્ડરના ભાવ, રાશનકાર્ડ અને ફલાઈટ્સના આ નિયમમાં થશે ફેરફાર
જાણો નિયમના ફેરફારની તમારા ખિસ્સા પર થશે કેવી અસર
1 જૂનથી શરૂ થઈ રહી છે નવી સ્કીમ
કેન્દ્ર સરકાર આગામી 1 જૂનથી તેની મહત્વાકાંક્ષી યોજના 'વન નેશન, વન રાશનકાર્ડ' (One Nation, One Ration Card) દેશના 20 રાજ્યોમાં લાગુ કરવા જઈ રહી છે. આ પછી 20 રાજ્યોમાં રાશનકાર્ડ ધારકો કોઈપણ રાજ્યના સરકારી રાશન સેન્ટરથી રાશન ખરીદી શકશે. કેન્દ્ર સરકારની આ યોજનાને કારણે, મોટી સંખ્યામાં ગરીબ લોકોને ખૂબ જ ઓછા ભાવે જરૂરી અનાજ આપવામાં આવે છે.
ગૅસ સિલિન્ડરના ભાવમાં આવ્યા ફેરફાર
દેશની ઓઈલ માર્કેટિંગ કંપનીઓ (HPCL,BPCL, IOC)એ સબ્સિડી વિનાના એલપીજી સિલન્ડરની કિંમતમાં વધારો કરવાની જાહેરાત કરી છે. 14.2 કિલોગ્રામના સબ્સિડી વિનાના એલપીજી સિલિન્ડરના ભાવ દિલ્હીમાં 11.50 રૂપિયા વધ્યો છે. નવી કિંમત વધીને 593 રૂપિયા થઈ છે. 19 કિલો સિલિન્ડરની કિંમત 110 રૂપિયા વધી 1139.50 રૂપિયા થઈ ગઈ છે.
1 જૂનથી ચાલુ થશે ઉત્તરપ્રદેશ રોડવેઝ
ઉત્તર પ્રદેશ રોડવેઝ મેનેજમેન્ટે 1 જૂનથી બસો દોડાવવા માટે એક એક્શન પ્લાન તૈયાર કર્યો છે. આ સમયગાળા દરમિયાન સરકારની કક્ષાએ કોઈ નવી સિસ્ટમ અસરકારક નથી. કોઈ પણ સ્થિતિમાં 30 મે સુધીમાં બસને તૈયાર કરવાનું કામ શરૂ કરાશે. ડેપોનું કામ પણ શરૂ કરાયું છે. બસ ઓપરેશન દરમિયાન, ડ્રાઇવર-કંડક્ટરની બસ સ્ટેશનના પ્રભારીની જવાબદારી રહેશે કે તે જાહેર કરેલા દિશાનિર્દેશોના 100 ટકા પાલન કરશે. માસ્ક પહેરેલા વ્યક્તિને બસ પરિસરમાં પ્રવેશવાની મંજૂરી આપવામાં આવશે. કંડક્ટર સીટની સામે બસમાં સેનેટાઇઝર બોટલ હશે. મુસાફરો સેનેટાઈઝ કર્યા બાદ જ બેસશે. કંડક્ટર અને ડ્રાઇવરને એક અલગ સેનેટાઇઝર બોટલ મળશે. બસની અડધી ક્ષમતા જ મુસાફરી કરી શકશે. આ નંબર બસની ક્ષમતા અંગે નિર્ણય લેવામાં આવશે. સામાન્ય રીતે 60 સીટરની બસ 30 મુસાફરોને બેસાડવામાં આવશે.
શરૂ થશે ગો એરની ફ્લાઈટ્સ
ગો એર પણ સરકારી દિશા નિર્દેશોનું પાલન કરશે અને 1 જૂનથી પોતાની ડોમેસ્ટિક ફ્લાઈટ્સ શરૂ કરશે. સિવિલ એવિએશન મિનિસ્ટર હરદીપ સિંહ પુરીએ જાહેરાત કરી છે કે 25મેથી દેશમાં ફ્લાઈટ્સની સુવિધા શરૂ કરાશે અને એરલાઈન્સ પણ ખાસ નિયમોનું પાલન કરશે. કંપનીએ શુક્રવારથી બુકિંગ શરૂ કર્યું છે.
મોંઘું થઈ શકે છે પેટ્રોલ
લૉકડાઉન 4માં અનેક પ્રકારની ઢીલ આપવામાં આવી રહી છે. અનેક રાજ્યોના પબ્લિક અને પ્રાઈવેટ ટ્રાન્સપોર્ટને ખોલી દેવાયું છે. તેનાથી પેટ્રોલની માંગમાં વધારો થયો છે. એપ્રિલમાં લૉકડાઉનને કારણે દેશમાં પબ્લિક અને પ્રાઈવેટ ટ્રાન્સપોર્ટ પર પાબંદીના કારણે પેટ્રોલની માંગમાં મોટો ઘટાડો જોવા મળી રહ્યો છે. અનેક રાજ્યોએ કેટલાક દિવસોથી વેટ વધારીને પેટ્રોલ મોંઘુ કરી દીધું છે. જેના કારણે પેટ્રોલની કિંમતમાં આવનારા દિવસોમાં વધારો થઈ શકે છે.