ચૂંટણી / બોલીવુડના આ દિગ્ગજ કલાકારો નહીં કરી શકે મતદાન

આલિયા પોતાની ફિલ્મના પ્રમોશનની સાથોસાથ ચાહકોને મતદાન કરવાની અપીલ કરી રહી છે. આજ રીતે અક્ષય કુમાર પણ પોતાની ફિલ્મો દ્વારા દેશપ્રેમ દર્શાવતો રહે છે. આ ઉપરાંત અનેક ફિલ્મોમાં અભિનેતાઓ સેનાના જવાન કે પોલીસ અધિકારીના રોલમાં નજરે પણ પડે છે. પરંતુ શું તમે જાણો છો કે, બોલીવુડના અનેક સ્ટાર એવા છે કે ભારતીય હોવા છતાંયે લોકસભાની ચૂંટણીમાં પોતાનો મત નથી આપી શકતા? અક્ષય કુમાર દેશપ્રેમમાં અનેક વાત કરે છે.

પરંતુ તમને જાણીને નવાઈ લાગશે કે, અક્ષય કુમાર ભારતમાં મતદાન કરી શકતો નથી. કારણ કે તે કેનેડાનું નાગરિત્વ પણ ધરાવે છે. આ ઉપરાંત અભિનેત્રી દીપિકા પાદુકોણ પણ ભારતમાં મતદાન નથી કરી શકતી. તે ભારતમાં રહેતી હોવા છતાં નેધરલેન્ડની નાગરિક છે.
અભિનેતા અને અભિનેત્રીઓ લોકોને મતદાન કરવાની અપીલ કરી રહી છે. જેમાં હાલ આલિયા ભટ્ટ પ્રચાર કરી રહી છે. પરંતુ તે પોતે મતદાન કરી શકતી નથી કારણ કે તે બિટિશ કાર્ડ હોલ્ડર છે. જેના કારણે તે ભારતમાં મતદાન કરી શકતી નથી. આ લીસ્ટમાં કેટરીના કૈફ સહિત અનેક સ્ટારર્સનો સમાવેશ થાય છે.