જરૂરી વાત / ઘી અને તેલનો દિવો પ્રગટાવવાને લઈને પણ છે અલગ અલગ નિયમ, કંગાલ થવાથી બચવું હોય તો ખાસ ધ્યાનમાં રાખો આ વાત

• વાસ્તુમાં દિશાઓ પર રાખવામાં આવ્યો છે ખાસ ભાર 
• ઘરના મંદિરમાં દીવો કરતી વખતે જાળવો આ નિયમ 
• નહીં તો ભોગવવી પડી શકે છે કંગાલી 

વાસ્તુશાસ્ત્રમાં દિશાઓ પર વિશેષ ભાર આપવામાં આવ્યો છે. જો કોઈ પણ બાબતમાં સાચી દિશાનું ધ્યાન રાખવામાં ન આવે તો તેના વિપરીત પરિણામો આવે છે. વાસ્તુશાસ્ત્રમાં ઘણી વસ્તુઓ સકારાત્મક અને નકારાત્મક ઉર્જા આપે છે. તેવી જ રીતે ઘરના મંદિર માટે પણ વાસ્તુમાં કેટલાક નિયમો જણાવવામાં આવ્યા છે. 

મંદિરમાં દીવાને સકારાત્મકતાનું પ્રતિક માનવામાં આવે છે. એવું માનવામાં આવે છે કે ઘરમાં દીવો પ્રગટાવવાથી નકારાત્મક ઉર્જાનો અંત આવે છે. પરંતુ આ અંગે કેટલાક નિયમો પણ જણાવવામાં આવ્યા છે. આ બાબતોનું પાલન ન કરવા પર સમસ્યાઓ ઉત્પન્ન થઈ શકે છે. 

ક્યાં મુકવો જોઈએ ઘી અને તેલનો દીવો? 
વાસ્તુ નિષ્ણાંતોનું માનવું છે કે ભગવાનની મૂર્તિની સામે ક્યારેય દીવો ન રાખવો. જો તમે ઘીનો દીવો પ્રગટાવતા હોવ તો તેને હંમેશા તમારી ડાબી બાજુ રાખવો જોઈએ. ત્યાં જ તેલનો દીવો તમારી જમણી બાજુ રાખો. 

દિવેટને લઈને પણ રાખો ધ્યાન 
ઘી અને તેલના દીવા સાથે તેની દિવેટ એટલે કે વાટ વિશે પણ કેટલાક નિયમો જણાવવામાં આવ્યા છે. દીવો પ્રગટાવતી વખતે વાટનો ઉપયોગ કરવો જરૂરી છે. તેલનો દીવો પ્રગટાવતી વખતે વાટ લાલ દોરાની બનેલી હોવી જોઈએ. ત્યાં જ જો તમે ઘીનો દીવો પ્રગટાવતા હોવ તો દીવામાં રૂની વાટનો જ ઉપયોગ કરવો જોઈએ.

આ દિશામાં રાખો દિવા

• વાસ્તુ નિષ્ણાંતો અનુસાર એવું માનવામાં આવે છે કે દીવો ક્યારેય પશ્ચિમ દિશામાં ન કરવો જોઈએ. જો કોઈ આવું કરે છે તો તેને ગરીબીનો સામનો કરવો પડી શકે છે. સાંજે ઘરના મુખ્ય દ્વાર પર દીવો પ્રગટાવવાથી દેવી લક્ષ્મીની કૃપા વરસે છે અને ઘર ધનથી ભરેલું રહે છે.
• વાસ્તુ અનુસાર દેવી લક્ષ્મી અને યમ દક્ષિણ દિશામાં વાસ કરે છે. તેથી દક્ષિણ દિશામાં દીવો પ્રગટાવવાથી દેવી લક્ષ્મીની કૃપા પ્રાપ્ત થાય છે અને ઘરમાં ધનની કમી નથી રહેતી.
• દક્ષિણ દિશામાં દીવો પ્રગટાવવાથી યમરાજ પણ પ્રસન્ન થાય છે અને અકાળ મૃત્યુનો ભય રહેતો નથી. જો કે દીવાની જ્યોત દક્ષિણ દિશામાં ન હોવી જોઈએ.
• ઘરની ઉત્તર દિશામાં દીવો પ્રગટાવવાથી ઘરમાં ગરીબી આવે છે. જોકે દીવાની જ્યોત આ દિશામાં કરી શકાય છે.
• એવું માનવામાં આવે છે કે સવાર-સાંજ દીવો પ્રગટાવવાથી ઘરમાં સુખ-શાંતિ બની રહે છે.