Friday, May 24, 2019

વર્લ્ડકપ / આ ભારતીય ખેલાડીઓ પહેલી વખત રમશે ICC World Cup

 આ ભારતીય ખેલાડીઓ પહેલી વખત રમશે ICC World Cup

ICC World Cup તા. 30 મેથી ઈગ્લેન્ડમાં શરુ થઈ રહ્યો છે. આ વખત ભારતીય ટીમમાં કુલ 15 ખેલાડીઓની જાહેરાત થઈ ચૂકી છે. જેમાં વિરાટ કોહલી, કેએલ રાહુલ, કેદાર જાધવ, કુલદીપ યાદવ, હાર્દિક પંડ્યા, રોહિત શર્મા, વિજય શંકર, દિનેશ કાર્તિક, ભૂવનેશ્વર કુમાર, રવિન્દ્ર જાડેજા, શિખર ધવન, એમએસ ધોની, યુજવેન્દ્ર ચહલ, જસપ્રીત બુમરાહ અને મહંમદ શમીનો સમાવેશ થાય છે. આ ટીમમાંથી આઠ ખેલાડીઓ એવા છે જે પ્રથમ વખત વિદેશની ધરતી પર વર્લ્ડ કપમાં ભાગ લેવાના છે.

કે.એલ.રાહુલ:

ભારતીય ઓપનિગં બેટ્સમેન કેએલ રાહુલ આ વખતે પ્રથમ વખત વર્લ્ડ કપ રમી રહ્યો છે. ગત વિશ્વકપ 2015માં રમાયેલી ટુર્નામેન્ટમાં રાહુલ વન ડેની ટીમમાં ન હતો. ક્રિકઈન્ફો વેબસાઈટના રિપોર્ટ અનુસાર રાહુલે વર્ષ 2016માં ઝિમ્બાબ્વે સામેની મેચમાંથી ક્રિકેટ ક્ષેત્રે એન્ટ્રી લીધી હતી. અહીં સુધી પહોંચતા તેને ઘણો સમય લાગ્યો છે. છેલ્લા કેટલાક વર્ષોમાં રાહુલનું પર્ફોમન્સ બેસ્ટ રહ્યું છે. તેથી તેને વર્લ્ડ કપની ટીમમાં સ્થાન મળ્યું છે. રાહુલે કુલ 14 વન ડે રમીને 343 રન બનાવ્યા છે. જેમાં 1 સેન્ચુરી  અને 2 હાફ સેન્ચુરીનો સમાવેશ થાય છે.

હાર્દિક પંડ્યા: 

હાર્દિક પંડ્યા પ્રથમ વખત વર્લ્ડ કપ ટુર્નામેન્ટમાં જોવા મળશે. પંડ્યા એક ઓલરાઉન્ડર ખેલાડી છે. માત્ર બેટિંગ જ નહીં પણ તેની બોલિંગ પણ બેસ્ટ હોય છે. વર્ષ 2016માં ન્યૂઝીલેન્ડ સામેની મેચથી તેણે ક્રિકેટની દુનિયામાં એન્ટ્રી કરી હતી. અત્યાર સુધીમાં તે 45 વન ડે મેચ રમી ચૂક્યો છે. જેમાં તેણે કુલ 731 રન બનાવ્યા છે. આ ઉપરાંત અત્યાર સુધીમાં કુલ 44 વિકેટ પણ ખેરવી નાંખી છે. અહીં તેની ચાર હાફ સેન્ચુરીનો પણ સમાવેશ થાય છે. તેણે અત્યાર સુધીમાં કોઈ પ્રકારની સેન્ચુરી ફટકારી નથી.

કેદાર જાધવ:

34 વર્ષનો ખેલાડી કેદાર જાધવનો પણ આ પ્રથમ વિશ્વકપ છે. ઘણા લાંબા સમય બાદ તેને વર્લ્ડ કપમાં એન્ટ્રી મળી છે. આ પહેલાના વર્લ્ડ કપમાં તેને રમવાની કોઈ તક મળી ન હતી. વર્ષ 2014માં રાંચીમાં શ્રીલંકા સામેની મેચમાં તેણે પોતાનો પ્રથમ વન ડે મેચ રમ્યો હતો. આ પહેલા તેને વર્લ્ડ કપમાં રમવાની તક એટલા માટે ન મળી કારણ કે, ટુર્નામેન્ટ પહેલા જાધવે માત્ર ત્રણ જ મેચ રમ્યા હતા. છેલ્લા કેટલાક સમયથી કેદારનું પર્ફોમન્સ બેસ્ટ રહ્યું છે તેથી તેને ટીમમાં સ્થાન આપવામાં આવ્યું છે.

કુલદીપ યાદવ:

ચાઈનામેન કુલદિપ યાદવ આ વખતે પહેલી વખત વર્લ્ડ કપ ટુર્નામેન્ટમાં જોવા મળશે. 2017માં તેને ટીમ ઈન્ડિયામાં સ્થાન મળ્યું હતું. છેલ્લા બે વર્ષમાં તેણે બેસ્ટ સ્પિનરનો તાજ મળ્યો છે. અત્યાર સુધીમાં યાદવે કુલ 44 વન ડે મેચ રમેલા છે તેમજ કલુ 87 વિકેટ ખેરવી છે. તેના નામે એક હેટ્રિક રેકોર્ડ પણ નોંધાયેલો છે. જે ઓસ્ટ્રેલિયા સામેની મેચમાં બન્યો હતો.

વિજય શંકર: 

ત્રણ મહિના પહેલા જ ક્રિક્ટક્ષેત્રમાં એન્ટ્રી લેનારા વિજય શંકરને ઓછા સમયમાં વિશ્વકપમાં જગ્યા મળી ગઈ છે. શંકરના ઓલરાઉન્ડર પર્ફોમન્સને કારણે તેને ટીમ ઈન્ડિયામાં સ્થાન મળ્યું છે. ચોથા ક્રમે કોઈ રમશે એ પણ હવે સ્પષ્ટ થઈ ગયું છે. ચોથા ક્રમ માટે વિજય શંકરની પસંદગી કરવામાં આવી છે. બેટ્સમેન અને બોલર જ નહીં તે બેસ્ટ ફિલ્ડર પણ છે. તેણે અત્યાર સુધીમાં 9 મેચમાં કુલ 165 રન બનાવ્યા છે. અને બે વિકેટ ખેરવી છે.

યુજવેન્દ્ર ચહલ:

ભારતીય ટીમના આક્રમક બોલર યુજવેન્દ્ર ચહલ આ વખતે પ્રથમ વખત વર્લ્ડ કપમાં જોવા મળશે. પોતાના પર્ફોમન્સના જોરે તે ભારતને અનેક વખત જીત અપાવી ચૂક્યો છે. ચહલના નામે કુલ 41 વન ડે મેચ અને 72 વિકેટનો રેકોર્ડ છે. આ ઉપરાંત તેણે હરિફ ટીમની મહત્ત્વની વિકેટ ખેરવીને પ્રેશર પણ ઊભુ કર્યું છે.
 

જસપ્રીત બુમરાહ: 

ટીમ ઇન્ડિયાનો સૌથી ખતરનાક બોલર એટલે જસપ્રીત બુમરાહ. જેને ડેથઓવર્સ સ્પેશ્યાલિસ્ટથી પણ ઓળખવામાં આવે છે. આ બુમરાહનો પ્રથમ વર્લ્ડકપ છે. વર્ષ 2016માં તેણે ક્રિકેટની દુનિયામાં એન્ટ્રી કરી હતી. અત્યાર સુધીમાં તે 49 મેચ રમી ચૂક્યો છે અને 85 વિકેટ પણ ખેરવી નાંખી છે. આ વખતેની IPLમાં પણ તેનું બેસ્ટ પર્ફોમન્સ રહ્યું છે.

દિનેશ કાર્તિક: 

ધોનીની જેમ વિકેટ કિપિંગ કરનાર ખેલાડી દિનેશ કાર્તિકને આ વખતે વિશ્વકપ ટીમમાં સ્થાન મળી ચૂક્યું છે. 2004માં તેણે ક્રિકેટની દુનિયામાં એન્ટ્રી કરી હતી. આ પહેલા તે 2007માં વિશ્વકપની ટીમમાં હતો પણ તેને મેદાને ઊતરવાનો કોઈ મોકો મળ્યો ન હતો. પરંતુ, આ વખતે તેને વર્લ્ડકપમાં સ્થાન મળી ચૂક્યું છે. કાર્તિક પાસે કુલ 15 વર્ષનો અનુભવ છે. જે આ વખતે તેને વર્લ્ડકપમાં ઉપયોગી સાબિત થશે.

sports Cricket World Cup 2019 Team India KL Rahul Hardik pandya Jaspreet Bumrah Dinesh Karthik
Loading...

જોવા જેવું વધુ જુઓ

બ્રેકિંગ ન્યૂઝ