IPL 2023: IPLમાં સૌથી વધુ કમાણી કરનારા ખેલાડીઓની વાત કરવામાં આવે તો રોહિત શર્મા, મહેન્દ્ર સિંહ ધોની જેવા મોટા દિગ્ગજો આ યાદીમાં સૌથી આગળ છે.
અત્યાર સુધી આઈપીએલની 15 સિઝનનું આયોજન થયું છે
આ સાત ખેલાડીઓએ 100 કરોડ કે તેથી વધુ કમાણી કરી
અત્યાર સુધી આઈપીએલમાંથી લગભગ 178 કરોડ રૂપિયા કમાણી કરી
IPL 2023: 31 માર્ચના રોજથી ઇન્ડિયન પ્રીમિયર લીગના 16માં સિઝનની શરુઆત થવા જઇ રહી છે. આ લીગનો ક્રિકેટના ચાહકો આતુરતાથી રાહ જોઇ રહ્યા હતા. પહેલી મેચ ચેન્નઇ સુપર કિંગ્સ અને ગુજરાત ટાઇટંસની વચ્ચે રમાવાની છે. છેલ્લા સિઝનની વિજેતા ટીમ ગુજરાત ટાઇટંસ અને મહેન્દ્ર સિંહ ધોનીની કેપ્ટનવાળી ચેન્નઇ સુપર કિંગ્સની વચ્ચે ઓપનિંગ જબરદસ્ત ટક્કર જોવા મળશે. આ મેચ અમદાવાદના નરેન્દ્ર મોદી સ્ટેડિયમમાં રમાશે.
IPL એક એવું પ્લેટફોર્મ છે જ્યાં ખેલાડીઓને માત્ર પ્રસિદ્ધિ જ નથી મળતી પણ તેના પર પૈસાનો એ વરસાદ થાય છે. અત્યાર સુધી આઈપીએલની 15 સિઝનનું આયોજન થયું છે અને હવે 16 મી સિઝનનું આયોજન થવા જઈ રહ્યું છે. એવામાં IPLમાં સૌથી વધુ કમાણી કરનારા ખેલાડીઓની વાત કરવામાં આવે તો રોહિત શર્મા, મહેન્દ્ર સિંહ ધોની જેવા મોટા દિગ્ગજો આ યાદીમાં સૌથી આગળ છે.
IPLમાં અત્યાર સુધી સાત ખેલાડીઓએ 100 કરોડ કે તેથી વધુ કમાણી કરી છે, ચાલો જોઈએ..
1. રોહિત શર્મા (2008 થી 2023):
રોહિત શર્મા IPLનો સૌથી સફળ કેપ્ટન તેમજ સૌથી વધુ કમાણી કરનાર ખેલાડી છે. જણાવી દઈએ કે આઈપીએલમાંથી કમાણીના મામલે તેને મહેન્દ્ર સિંહ ધોનીને પાછળ છોડી દીધા છે. મુંબઈ ઈન્ડિયન્સના કેપ્ટને આઈપીએલમાંથી લગભગ 178 કરોડ રૂપિયા કમાણી કરી છે. આ સાથે જ નોંધનીય છે કે રોહિતે અત્યાર સુધી 227 IPL મેચોમાં 30.30ની એવરેજથી 5879 રન બનાવ્યા છે.
2. મહેન્દ્ર સિંહ ધોની (2008 થી 2023):
ચેન્નાઈ સુપર કિંગ્સના કેપ્ટન ધોની IPLની પહેલી સીઝનમાં સૌથી મોંઘા ખેલાડી હતા. IPL 2023માં ધોનીનો પગાર 12 કરોડ રૂપિયા છે. અત્યાર સુધી ધોનીએ IPLમાંથી લગભગ 176 કરોડ રૂપિયાની કમાણી કરી છે. ધોનીએ અત્યાર સુધી 234 IPL મેચોમાં 39.20ની એવરેજથી 4978 રન બનાવ્યા છે.
3. વિરાટ કોહલી (2008 થી 2023):
પૂર્વ ભારતીય કેપ્ટન વિરાટ કોહલીએ તેની IPL કારકિર્દીમાં 173 કરોડ રૂપિયાની કમાણી કરી છે.સાથે જ તેને અત્યાર સુધી ક્યારેય ઈન્ડિયન પ્રીમિયર લીગનું ટાઈટલ જીત્યું નથી. આ સાથે જ વિરાટ કોહલી IPLના ઈતિહાસમાં સૌથી વધુ રન બનાવનાર ખેલાડી પણ છે. તેને અત્યાર સુધી 223 IPL મેચમાં 36.20ની એવરેજથી 6624 રન બનાવ્યા છે.
4. સુરેશ રૈના (2008 થી 2021):
'મિસ્ટર IPL' તરીકે જાણીતા સુરેશ રૈના આ T20 લીગના સૌથી સફળ બેટ્સમેનોમાંના એક હતા. રૈનાએ કુલ 205 મેચમાં 5528 રન બનાવ્યા છે. રૈનાએ IPLમાંથી 110 કરોડ રૂપિયાની કમાણી કરી છે.
5. રવિન્દ્ર જાડેજા (2008 થી 2023):
આઈપીએલમાં જાડેજાની અત્યાર સુધી કુલ આવક 109 કરોડ રૂપિયા છે . ડાબોડી ઓલરાઉન્ડર રવિન્દ્ર જાડેજાએ અત્યાર સુધી IPLમાં 210 મેચ રમીને 2502 રન બનાવ્યા છે. આ સાથે તેણે 132 વિકેટ પણ લીધી છે.
6. સુનીલ નારાયણ (2012 થી 2023):
સુનીલ નારાયણ 2012 સીઝનથી KKR ટીમનો એક ભાગ છે. આઈપીએલમાં તેની કુલ કમાણી 107 કરોડ રૂપિયા છે . નરેને અત્યાર સુધી આઈપીએલમાં કુલ 148 મેચ રમી છે, જેમાં તેણે 25.13ની એવરેજથી 152 વિકેટ ઝડપી છે. નરેને 1025 રન બનાવ્યા છે.
7. એબી ડિવિલિયર્સ (2008-2021) :
'મિસ્ટર 360 ડિગ્રી' તરીકે જાણીતા એબી ડી વિલિયર્સનો પ્રારંભિક આઈપીએલ પગાર રૂ. 1.2 કરોડ હતો. ડી વિલિયર્સે લગભગ રૂ. 102 કરોડની કમાણી સાથે IPL છોડી દીધી હતી . આફ્રિકાના દિગ્ગજ ખેલાડી ડી વિલિયર્સે 184 આઈપીએલ મેચોમાં 39.70ની એવરેજથી 5162 રન બનાવ્યા હતા.
8. ગૌતમ ગંભીર (2008-2018):
ગૌતમ ગંભીરે તેની 154 મેચોની IPL કારકિર્દીમાં 4217 રન બનાવ્યા છે. 2018માં સંન્યાસ લેતા પહેલા ગંભીરે IPLમાંથી લગભગ 94 કરોડ રૂપિયાની કમાણી કરી હતી.
9. શિખર ધવન (2008-2023):
શિખર ધવને IPLની દરેક સિઝનમાં ભાગ લીધો છે. પંજાબ કિંગ્સના કેપ્ટન શિખર ધવનની આઈપીએલની ઓલ ટાઈમ આવક લગભગ 91 કરોડ રૂપિયા છે. ધવને અત્યાર સુધીમાં 206 IPL મેચોમાં 35.08ની એવરેજથી 6244 રન બનાવ્યા છે.
10. દિનેશ કાર્તિક (2008-2023):
રોયલ ચેલેન્જર્સ બેંગ્લોરનો વિકેટ-કીપર બેટ્સમેન ઈન્ડિયન પ્રીમિયર લીગમાં સૌથી વધુ કમાણી કરનારા ખેલાડીઓની યાદીમાં 10મા ક્રમે છે. IPLમાં કાર્તિકની અત્યાર સુધીની કમાણી લગભગ 86 કરોડ રૂપિયા છે . દિનેશ કાર્તિકે 229 IPL મેચ રમી છે, જેમાં તેણે 26.85ની એવરેજથી 4376 રન બનાવ્યા છે.